തിരുവനന്തപുരം : പുതുവത്സരാഘാഷങ്ങളില്‍ ആരും അതിരുവിടരുതെന്ന് നിര്‍ദ്ദേശം. ഹോട്ടലുകളിലും നിരത്തുകളിലുമെല്ലാം ആഘോഷങ്ങള്‍ സംഘടിപ്പിച്ചിരിക്കുന്ന സാഹചര്യത്തില്‍ ജാഗ്രത പുലര്‍ത്താന്‍ പോലീസ് നിര്‍ദ്ദേശം നല്‍കിയിട്ടുണ്ട്. കൂടാതെ മാളുകള്‍ ക്ലബ്ബുകള്‍ കേന്ദ്രീകരിച്ചും സുരക്ഷ ശക്തമാക്കും.
മദ്യപിച്ചു വാഹനം ഓടിക്കുന്നത് മൂലമുണ്ടാകുന്ന പ്രശ്‌നങ്ങള്‍, അമിതവേഗത, ഡ്രൈവിങ് അഭ്യാസങ്ങള്‍ തുടങ്ങിയവ നിരീക്ഷിക്കാന്‍ ശക്തമായ പോലീസ് പരിശോധനയും ഉണ്ടാകും. സ്ത്രീകളുടെയും കുട്ടികളും സുരക്ഷ ഉറപ്പാക്കാന്‍ പുരുഷ വനിതാ പോലീസുകാര്‍ മഫ്തിയില്‍ പരിശോധന നടത്തും. പ്രധാനപ്പെട്ട ജംഗ്ഷനില്‍ പെട്രോളിങ്ങും ഉണ്ടാകും. മയക്കുമരുന്ന് ഉപയോഗം തടയാന്‍ ഡിജെ പാര്‍ട്ടികള്‍ അടക്കം നിയന്ത്രണം ഏര്‍പ്പെടുത്തിയിട്ടുണ്ട്. പുതുവത്സരവുമായി ബന്ധപ്പെട്ട് പരിപാടികള്‍ക്ക് വരുന്ന എല്ലാവരുടെയും പേരുകള്‍ രജിസ്റ്റര്‍ ചെയ്യണം. സിസിടിവി ക്യാമറകള്‍ പ്രവര്‍ത്തിക്കുന്നെന്ന് സംഘാടകര്‍ ഉറപ്പുവരുത്തണം. അനിഷ്ട സംഭവങ്ങള്‍ ഉണ്ടായാല്‍ പോലീസിനെ കൃത്യസമയത്ത് അറിയിക്കാം കര്‍ശ്ശന ജാഗ്രത വേണമെന്ന് എക്‌സൈസ് ഇന്റലിജെന്‍സ് ആവശ്യപ്പെട്ടിട്ടുണ്ട്.
രാത്രി 12 മണി വരെ മാത്രമേ ആഘോഷ പരിപാടികള്‍ പാടൊള്ളൂവെന്നും നിര്‍ദ്ദേശം നല്‍കിയിട്ടുണ്ട്. പാര്‍ട്ടി നടത്തുന്ന ഹോട്ടലുകളും റെസ്റ്റോറന്റുകളും മുന്‍ കൂട്ടി എക്‌സൈസിന്റെ അനുമതി വാങ്ങാന്‍ നിര്‍ദ്ദേശം നല്‍കി. എറണാകുളം, കോഴിക്കോട്, തിരുവനന്തപുരം എന്നിവടങ്ങളില്‍ പ്രത്യേക ജാഗ്രത വേണമെന്നും എക്‌സൈസ് ഇന്റലിജെന്‍സിന്റെ മുന്നറിയിപ്പില്‍ പറയുന്നുണ്ട്.
തിരുവനന്തപുരത്തും പുതുവത്സരാഘോഷങ്ങള്‍ക്ക് കര്‍ശ്ശന സുരക്ഷയാണ് ഏര്‍പ്പെടുത്തിയിട്ടുള്ളത്. മാനവിയം വീഥിയില്‍ പ്രത്യേക സുരക്ഷയുണ്ടാകും. ആഘോഷ പരിപാടികള്‍ നടക്കുന്ന ഇടങ്ങളില്‍ 1500 പോലീസ് ഉദ്യോഗസ്ഥരെയാണ് സുരക്ഷയ്‌ക്കായി നിയോഗിച്ചിട്ടുള്ളത്. തിരുവനന്തപുരത്ത് പുതുവത്സര ആഘോഷങ്ങള്‍ നടക്കുന്നത് പ്രധാനമായും ശംഖുമുഖം, കോവളം, വര്‍ക്കല ബീച്ചുകള്‍ കേന്ദ്രികരിച്ചാണ്.
നെ കൃത്യസമയത്ത് അറിയിക്കാമെന്നും നിര്‍ദേശം നല്‍കിയിട്ടുണ്ട്.
കോഴിക്കോട് പ്രധാന ആഘോഷ കേന്ദ്രമായ ബീച്ചിലേക്ക് 3 മണി മുതല്‍ നിയന്ത്രണം ഏര്‍പ്പെടുത്തും. ആഘോഷം സംഘടിപ്പിക്കുന്നവര്‍ പോലീസിനെ അറിയിക്കണം. അതിഥി തൊഴിലാളികളുടെ ആഘോഷം തൊഴിലുടമ നിരീക്ഷിക്കണം. ലഹരി ഉപയോഗിച്ച് വാഹനങ്ങള്‍ ഓടിക്കരുത്.
വാഹനങ്ങളില്‍ അഭ്യാസം കാണിക്കുന്നവരെ പിടികൂടാനും സംവിധാനം ഒരുക്കി, താമരശേരി ചുരത്തിലും നിയന്ത്രണം ഏര്‍പ്പെടുത്തി. ചുരത്തില്‍ വാഹനങ്ങള്‍ നിര്‍ത്തരുത് വ്യൂ പോയിന്റിലും നോ പാര്‍ക്കിങ്ങ് കര്‍ശനമായി നടപ്പാക്കും.രാത്രി ഏഴ് മുതല്‍ ചുരത്തിലെ കടകള്‍ അടക്കണം. ഫയര്‍ ഡിസ്പ്‌ളെക്ക് കോടതി നിര്‍ദ്ദേശങ്ങള്‍ പാലിച്ചിരിക്കണമെന്നും നിര്‍ദേശം നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: