മകരവിളക്ക് മഹോത്സവം; ശബരിമല നട ഇന്ന് തുറക്കും

പത്തനംതിട്ട: മകരവിളക്ക് മഹോത്സവത്തിനായി ശബരിമല നട ഇന്ന് തുറക്കും. വൈകിട്ട് അഞ്ച് മണിയോടെ മേൽശാന്തി പിഎൻ മഹേഷ് ആകും നട തുറക്കുക. ജനുവരി 15-നാണ് മകരവിളക്ക്.

ഭസ്മവിഭൂഷിതനായി യോഗദണ്ഡും രുദ്രാക്ഷ മാലയും അണിയിച്ച് യോഗനിദ്രയിലുള്ള അയ്യപ്പനെ മകരവിളക്ക് മഹോത്സവത്തിനായി ഉണർത്തും. നന്ത്രി കണ്ഠരര് മഹേഷ് മോഹനരുടെ കാർമികത്വത്തിൽ മേൽശാന്തി പിഎൻ മഹേഷാണ് നട തുറക്കുന്നത്. ഇതിന് ശേഷം ആഴിയിൽ അഗ്നി പകരും.

ജനുവരി 15-നാണ് മകരവിളക്ക്. 12-നാണ് പ്രസിദ്ധമായ എരുമേലി പേട്ടതുള്ളൽ. 13-ന് പന്തളം കൊട്ടാരത്തിൽ നിന്നും തിരുവാഭരണ ഘോഷയാത്ര പുറപ്പെടും.