ജയ്പൂര്‍ : രാജസ്ഥാന്‍ മുഖ്യമന്ത്രിയായി മുതിര്‍ന്ന ബിജെപി നേതാവ് ഭജന്‍ ലാല്‍ ശര്‍മ്മ സത്യപ്രതിജ്ഞ ചെയ്തു അധികാരമേറ്റു. തലസ്ഥാനമായജയ്പൂരില്‍ നടന്ന ചടങ്ങില്‍ ഗവര്‍ണര്‍ കല്‍രാജ് മിശ്ര സത്യവാചകം ചൊല്ലിക്കൊടുത്തു.
ആദ്യമായാണ് ഭജന്‍ലാല്‍ ശര്‍മ്മ നിയമസഭാംഗമാകുന്നത്.ബിജെപി നേതാക്കളായ ദിയാകുമാരിയും പ്രേംചന്ദ് ബൈര്‍വയും ഉപമുഖ്യമന്ത്രിമാരായി സത്യപ്രതിജ്ഞ ചെയ്തു.പ്രധാനമന്ത്രി നരേന്ദ്ര മോദി, കേന്ദ്രആഭ്യന്തര മന്ത്രി അമിത് ഷാ, ബിജെപി ദേശീയ അധ്യക്ഷന്‍ ജെപി നദ്ദ എന്നിവര്‍ ചടങ്ങില്‍ പങ്കെടുത്തു. ഇവരെ കൂടാതെ ബിജെപി ഭരിക്കുന്ന നിരവധി സംസ്ഥാനങ്ങളിലെ മുഖ്യമന്ത്രിമാരും ഉപമുഖ്യമന്ത്രിമാരും മന്ത്രിമാരും ചടങ്ങില്‍ പങ്കെടുത്തു.മുന്‍ മുഖ്യമന്ത്രിയും കോണ്‍ഗ്രസ് നേതാവുമായ അശോക് ഗെലോട്ടും ചടങ്ങില്‍ സംബന്ധിച്ചു.
അടുത്തിടെ നടന്ന നിയമസഭാ തെരഞ്ഞെടുപ്പില്‍ 199 സീറ്റുകളില്‍ 115 സീറ്റുകള്‍ നേടിയാണ് ബിജെപി സംസ്ഥാനത്ത് അധികാരത്തിലെത്തിയത്.
കോണ്‍ഗ്രസിന് 69 സീറ്റുകള്‍ മാത്രമാണ് നേടാനായത്.
പ്രതികരിക്കാൻ ഇവിടെ എഴുതുക: