ബെംഗളൂരു: ഭാരത പര്യടനത്തിനെത്തിയ ഓസ്‌ട്രേലിയയ്‌ക്ക് ഇന്ന് അവസാന അങ്കം. ഭാരതത്തിനെതിരായ അഞ്ചാമത്തെയും അവസാനത്തെയും ട്വന്റി20 മത്സരം ഇന്ന് രാത്രി ഏഴിന് ബെംഗളൂരുവിലെ ചിന്ന സ്വാമി സ്‌റ്റേഡിയത്തില്‍ നടക്കും. നാലാം മത്സരജയത്തോടെ പരമ്പര 3-1ന് മുന്നിലെത്തി ഭാരതം സ്വന്തമാക്കിയിരുന്നു.
ഇന്നത്തെ മത്സരത്തില്‍ ഭാരതം പരാജയപ്പെട്ടാലും പരമ്പരയില്‍ ഓസീസിന് 3-2 മാര്‍ജിനില്‍ ഫിനിഷ് ചെയ്യാമെന്ന് ആശ്വസിക്കാന്‍ മാത്രമേ കഴിയൂ. റായ്പുരില്‍ നടന്ന നാലാം ട്വന്റി20യില്‍ 20 റണ്‍സ് വിജയത്തോടെയാണ് ഭാരതം പരമ്പര ഉറപ്പിച്ചത്. ഭാരത്തിന് മറ്റൊരു പൊന്‍തൂവല്‍ സമ്മാനിച്ചാണ് ഈ വിജയം കടന്നുപോയിരിക്കുന്നത്. ഏറ്റവും കൂടുതല്‍ ട്വന്റി20 വിജയം നേടയുന്ന ടീമായി ഭാരതം മാറി. 136 മത്സരങ്ങളില്‍ ജയിച്ചാണ് ഈ നേട്ടം കൈവരിച്ചത്. ചിരവൈരികളായ പാകിസ്ഥാനെയാണ് ഇക്കാര്യത്തില്‍ മറികടന്നത്. പാകിസ്ഥാന്‍ 135 കളികളില്‍ ജയിച്ചിട്ടുണ്ട്. 102 മത്സരങ്ങള്‍ ജയിച്ചിട്ടുള്ള ന്യൂസിലന്‍ഡ് ആണ് മൂന്നാം സ്ഥാനത്ത്. 95 വീതം മത്സരങ്ങളില്‍ ജയിച്ച് ഓസ്‌ട്രേലിയയും ദക്ഷിണാഫ്രിക്കയും നാലാം സ്ഥാനത്ത് തുല്യതയിലാണ്.
പ്രതികരിക്കാൻ ഇവിടെ എഴുതുക: