കഞ്ചാവ് വിൽപ്പന; മൂന്ന് പേർ അറസ്റ്റിൽ

വയനാട്: സുൽത്താൻബത്തേരിയിൽ നിന്നും വിവിധ കേസുകളിലായി കഞ്ചാവ് വിൽപ്പനക്കാരായ മൂന്ന് പേരെ എക്‌സൈസ് അറസ്റ്റ് ചെയതു. അമ്പലവയൽ അയിരംകൊല്ലി തോങ്കട്ടേക്കുന്നത്ത് വീട്ടിൽ ടിഎസ് സഞ്ജിത്ത് അഫ്താബ്, അമ്പലവയൽ കുമ്പളേരി കാത്തിരുകോട്ടിൽ പിവി പ്രവീൺ, അമ്പലവയൽ കുറ്റിക്കൈത തടിയപ്ലിൽ വീട്ടിൽ ആൽബിൻ ക്ലീറ്റസ് എന്നിവരാണ് അറസ്റ്റിലായത്.

മയക്കുമരുന്ന് കടത്ത് പിടികൂടാനായി നിയോഗിച്ച പ്രത്യേക സ്‌ക്വാഡും ജില്ല എക്സൈസ് ഇന്റലിജൻസും സംയുക്തമായി മുത്തങ്ങക്കടുത്ത പൊൻകുഴി ഭാഗത്ത് നടത്തിയ വാഹന പരിശോധനക്കിടെയാണ് യുവാക്കളെ പിടികൂടിയത്. 630 ഗ്രാം കഞ്ചാവ് യുവാക്കളിൽ നിന്നും കണ്ടെത്തി. സംഘം യാത്ര ചെയ്ത സ്‌കൂട്ടറും എക്സൈസ് കസ്റ്റഡിയിലെടുത്തു.