ബൈക്കിന് പിന്നിൽ അമിത വേഗത്തിലെത്തിയ കാറിടിച്ചു; 12-വയസുകാരന് ദാരുണാന്ത്യം

തൃശൂർ: ചാലക്കുടി ദേശീയപാതയിൽ ബൈക്കും കാറും കൂട്ടിയിടിച്ചുണ്ടായ അപകടത്തിൽ 12-വയസുകാരന് ദാരുണാന്ത്യം. കുറ്റിക്കാട് കരിപ്പായി വീട്ടിൽ എഡ്വിൻ ആന്റുവാണ് മരിച്ചത്. പിതാവിനൊപ്പം ബൈക്കിൽ സഞ്ചരിക്കവെയാണ് അപകടം.

തൃശൂർ ഭാഗത്ത് നിന്നും അമിത വേഗത്തിൽ എത്തി കാർ ബൈക്കിന് പിന്നിൽ ഇടിക്കുകയായിരുന്നു. കുറ്റിക്കാട് സെന്റ് സെബാസ്റ്റ്യൻസ് സ്‌കൂളിലെ ഏഴാം ക്ലാസ് വിദ്യാർത്ഥിയാണ്. അപകടത്തിൽ എഡ്വിൻ ബൈക്കിൽ നിന്നും തെറിച്ചു വീണിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.