നവകേരള സദസ്സ്: കുടുംബശ്രീ പ്രവര്‍ത്തകരുടെ ആനുകൂല്യങ്ങള്‍ നിര്‍ത്തലാക്കും എന്ന സിപിഎം ഭീഷണി വില പോകില്ലെന്ന് അഡ്വ.ഇ കൃഷ്ണദാസ്‌

പാലക്കാട്: നവ കേരള സദസുമായി ബന്ധപ്പെട്ട കുടുംബശ്രീ അംഗങ്ങളെ ഭീഷണിപ്പെടുത്തി പരിപാടിയിൽ പങ്കെടുപ്പിക്കാനുള്ള സിപിഎം നേതാക്കന്മാരുടെ ശ്രമം അപലപനീയമെന്ന്‌
പാലക്കാട് നഗരസഭ വൈസ് ചെയർമാൻ അഡ്വ.ഇ.കൃഷ്ണദാസ്.

നവകേരള സദസ്സിന്റെ ഭാഗമായി ബൂത്ത് തലത്തിൽ യോഗങ്ങൾ സംഘടിപ്പിച്ചില്ലെങ്കിൽ കുടുംബശ്രീ പ്രവർത്തകരുടെ ആനുകൂല്യങ്ങൾ നിർത്തലാക്കും എന്ന സിപിഎം നേതാക്കന്മാരും ജനപ്രതിനിധികളും ഭീഷണിപ്പെടുത്തുന്നത് അവസാനിപ്പിക്കണം. ഭീഷണി വില പോകില്ലെന്ന് അദ്ദേഹം വ്യക്തമാക്കി.

സർക്കാർ ചിലവിൽ ഇലക്ഷൻ പ്രചരണമാണ് സിപിഎം നടത്തുന്നത്. കർഷകർക്ക് നെല്ലിൻറെ വില നൽകുവാനോ ക്ഷേമപെൻഷൻ സമയാസമയങ്ങളിൽ കൊടുക്കുവാനോ സർക്കാറിന് സാധിക്കുന്നില്ല. നവ കേരള സദസ്സിനു വേണ്ടി നഗരത്തിൽ ഉടനീളം നിയമവിരുദ്ധമായി സ്ഥാപിച്ചിട്ടുള്ള മുഴുവൻ ബോർഡുകളും നീക്കുവാൻ ജില്ലാ കലക്ടർ ഉത്തരവിടേണ്ടതാണെന്ന് ഇ.കൃഷ്ണദാസ് പ്രസ്താവിച്ചു.