പാലക്കാട്: 21 നവംബര്‍ 2023 വികസിത് ഭാരത് സങ്കല്‍പ് യാത്ര പ്രചാരണ പരിപാടികള്‍ പാലക്കാട് ജില്ലയിലെ ഗ്രാമ പ്രദേശങ്ങളില്‍ അഞ്ചാം ദിവസത്തിലേക്ക് കടന്നു.
രാവിലെ കുമരനെല്ലൂര്‍ പഞ്ചായത്തില്‍ നടന്ന പരിപാടി ഗ്രാമപഞ്ചായത്ത് പ്രസിഡന്റ് ഷറഫുദ്ദീന്‍ .കെ ഉദ്ഘാടനം ചെയ്തു. ചടങ്ങില്‍ പങ്കെടുത്തവര്‍ ‘നമ്മുടെ സങ്കല്‍പം വികസിത ഭാരതം പ്രതിജ്ഞ’ എടുത്തു.
കേന്ദ്ര സര്‍ക്കാരിന്റെ വികസന സാമൂഹിക സുരക്ഷാ പദ്ധതികളെകുറിച്ച് ചടങ്ങില്‍ വിശദീകരിച്ചു. ഗുണഭോക്താക്കള്‍ പദ്ധതികള്‍ കൊണ്ടുള്ള പ്രയോജനങ്ങള്‍ പങ്കുവച്ചു. യാത്രയുടെ ഭാഗമായുള്ള ഐഇസി വാനില്‍ വിവിധ കേന്ദ്ര പദ്ധതികളെ കുറിച്ചുള്ള വീഡിയോകള്‍ പ്രദര്‍ശിപ്പിച്ചു.
കേന്ദ്ര പദ്ധതികളെ കുറിച്ചുള്ള സമ്പൂര്‍ണ്ണ പുസ്തകങ്ങള്‍, ലേഖനങ്ങള്‍ എന്നിവയും വിതരണം ചെയ്തു. വൈകീട്ട് യാത്ര കൊപ്പം പഞ്ചായത്തിലാണ് സംഘടിപ്പിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: