വാട്ട്സ്ആപ്പിലും ഓപ്പൺ എഐ അധിഷ്ഠിത ചാറ്റ് ഫീച്ചർ…!; പ്രഖ്യാപനവുമായി മെറ്റ

വാട്ട്സ്ആപ്പിൽ എഐ ചാറ്റ് ഫീച്ചർ അവതരിപ്പിക്കുമെന്ന പ്രഖ്യാപനവുമായി മെറ്റ. നിലവിൽ ബീറ്റ പരീക്ഷണ ഘട്ടത്തിലാണ് ഫീച്ചർ അവതരിപ്പിച്ചിരിക്കുന്നത്. വാട്ട്സ്ആപ്പിന്റെ 2.23.24.26 ബീറ്റാ വേർഷനിലാണ് ഈ ഫീച്ചർ നിലവിൽ ലഭ്യമാക്കിയിരിക്കുന്നത്. മാർക്ക് സക്കർബർഗാണ് പുതിയ ഫീച്ചറിന്റെ വിശദാംശങ്ങൾ പങ്കുവെച്ചത്.

എഐ ചാറ്റുകൾക്ക് പ്രത്യേക ഷോർട്ട്കട്ട് ഇതിൽ സജ്ജമാക്കിയിട്ടുണ്ട്. ചാറ്റ്സ് ടാബിന്റെ സ്ഥാനത്താകും ഇത് നൽകുക. നിലവിൽ ബീറ്റാ പതിപ്പ് ഉപയോഗിക്കുന്ന കുറച്ച് പേർക്ക് മാത്രമെ ഈ ഫീച്ചർ ലഭ്യമാകുകയുള്ളൂ. വൈകാതെ തന്നെ കൂടുതൽ ഉപയോക്താക്കളിലേക്ക് ഫീച്ചറെത്തും.