തൃശൂര്‍: കുന്നംകുളം സബ്ജില്ലാ കലോത്സവത്തില്‍ ദഫ്മുട്ട് വിധി നിര്‍ണയത്തെ സംബന്ധിച്ച് തര്‍ക്കം സംഘര്‍ഷം സൃഷ്ടിച്ചു. പൊലീസ് ലാത്തി വീശിയാണ് സ്ഥിതിഗതികള്‍ നിയന്ത്രിച്ചത്. പൊലീസ് ലാത്തി വീശലില്‍ ഒരു വിദ്യാര്‍ത്ഥിക്ക് സാരമായി പരിക്കേറ്റു. പത്തിലധികം വിദ്യാര്‍ഥികള്‍ക്ക് പരിക്കേറ്റെന്നാണ് റിപ്പോര്‍ട്ട്.
അല്‍ അമീന്‍ സ്‌കൂളിലാണ് ദഫ്മുട്ട് മത്സരം നടന്നത്. വട്ടപ്പാട്ട് മത്സരം നടന്ന വേദിയില്‍ തന്നെ ദഫ്മുട്ട് മത്സരവും നടത്തുകയായിരുന്നു. വട്ടപ്പാട്ടിലെ വിധി കര്‍ത്താക്കളുമായി ബന്ധപ്പെട്ട തര്‍ക്കത്തിന് പിന്നാലെ ദഫ്മുട്ട് മത്സരത്തിന്റെ ഫലം കൂടി വന്നതോടെ വിധിയില്‍ അപാകത ആരോപിച്ച് ചെറുമനങ്ങാട് കോണ്‍കോട് ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥികള്‍ വേദിയില്‍ കയറി പ്രതിഷേധിക്കുകയായിരുന്നു.
വിദ്യാര്‍ത്ഥികള്‍ മൈക്ക് തട്ടിമറിച്ചു. കാര്യങ്ങള്‍ കൈവിടുമെന്ന് കണ്ടപ്പോള്‍ പൊലീസ് ലാത്തി വീശുകയായിരുന്നു. സംഘര്‍ഷത്തെ തുടര്‍ന്ന് കലോത്സവം നിര്‍ത്തിവച്ചു. വെളളിയാഴ്ച തുടരും.
പ്രതികരിക്കാൻ ഇവിടെ എഴുതുക: