കോഴിക്കോട് : കൊച്ചിയിലെ പോലെ കോഴിക്കോട് സ്‌ഫോടനം നടത്തുമെന്ന് ജില്ലാകളക്ടര്‍ സ്‌നേഹില്‍ കുമാര്‍ സിങ്ങിന് കത്ത്. പിണറായി പോലീസിന്റെ വേട്ട തുടര്‍ന്നാല്‍ കൊച്ചിയിലെ പോലെ കോഴിക്കോട്ടും പൊട്ടിക്കുമെന്നാണ് കത്തില്‍ പറയുന്നത്. മാവോയിസ്റ്റ് ഭീകരരെന്നാണ് കത്തില്‍ പരാമര്‍ശിച്ചിരിക്കുന്നത്.
കളക്ടര്‍ പ്രത്യേക അന്വേഷണ സംഘത്തിന് കത്ത് കൈമാറിയിട്ടുണ്ട്. കത്ത് ഗൗരവകരമായവിഷയം ആണെന്നും, രഹസ്യാന്വേഷണ സംഘം ഇതില്‍ അന്വേഷണ വിഭാഗം ഇതില്‍ അന്വേഷണം നടത്തി വരികയാണന്നുമാണ് അറിയുന്നത്.
സര്‍ക്കാര്‍ ഏറെ കൊട്ടിഘോഷിച്ചു നടത്തുന്ന നവകേരള സദസ് അടുത്ത ആഴ്ച നടക്കാനിരിക്കെയാണ് മാവോയിസ്റ്റുകളുടെ പേരില്‍ കളക്ടര്‍ക്ക് ഭീഷണിക്കത്ത് ലഭിച്ചിരിക്കുന്നത്. മുഖ്യമന്ത്രിയും സംസ്ഥാനത്തെ മന്ത്രിമാരും അതിഥികളും പങ്കെടുക്കുന്ന പരിപാടിക്കിടെ യാതൊരുവിധത്തിലുമുള്ള പ്രശ്‌നങ്ങളും ഉണ്ടാകാതിക്കാനുള്ള ശ്രമങ്ങളാണ് നടത്തുന്നത്.
പ്രതികരിക്കാൻ ഇവിടെ എഴുതുക: