തിരുവനന്തപുരം: അച്ചടക്കലംഘനം നടത്തിയതിന് നാല് ജീവനക്കാരെ സസ്‌പെന്‍ഡ് ചെയ്ത് കെഎസ്ആര്‍ടിസി . ജിജി.വി ചേലപ്പുറം, അനില്‍ ജോണ്‍, വിഷ്ണു എസ്. നായര്‍, ബി. വിജയന്‍പിള്ള എന്നിവര്‍ക്കെതിരെയാണ് നടപടി.
പോക്‌സോ കേസില്‍പ്പെട്ടതാണ് പെരുമ്പാവൂര്‍ യൂണിറ്റിലെ കണ്ടക്ടര്‍ ജിജി.വി ചേലപ്പുറത്തിനെതിരെ നടപടിക്ക് കാരണം.
കൊല്ലം കായംകുളം സര്‍വീസില്‍ ഒരു യാത്രക്കാരിക്കു ടിക്കറ്റ് നല്‍കാതെ സൗജന്യയാത്ര അനുവദിച്ചതാണ് പുനലൂര്‍ യൂണിറ്റിലെ കണ്ടക്ടര്‍ അനില്‍ ജോണിനെതിരെയുളള കുറ്റം. കോതമംഗലം യൂണിറ്റിലെ ജീവനക്കാരുടെ മുറിയില്‍ മദ്യപിച്ചു ബഹളമുണ്ടാക്കിയതിനാണ് കണ്ടക്ടര്‍ വിഷ്ണു എസ്. നായര്‍ക്കെതിരെ നടപടി സ്വീകരിച്ചത്.
വിദ്യാര്‍ഥിയോടുളള മോശം പെരുമാറ്റത്തിനാണ് ഹരിപ്പാട് യൂണിറ്റിലെ കണ്ടക്ടര്‍ ബി. വിജയന്‍പിള്ളയ്‌ക്ക് സസ്പന്‍ഷന്‍.
പ്രതികരിക്കാൻ ഇവിടെ എഴുതുക: