കണ്ണൂര്‍: കഴിഞ്ഞ ദിവസം മാവോയിസ്റ്റുകളുമായി ഏറ്റുമുട്ടലുണ്ടായ കണ്ണൂര്‍ അയ്യന്‍കുന്നില്‍ ദൗത്യസംഘം തെരച്ചില്‍ തുടരുന്നു. ഇന്നലെ രാത്രി രണ്ട് തവണ വെടിവയ്‌പ്പുണ്ടായെന്ന് ഡിഐജി പുട്ട വിമലാദിത്യ പറഞ്ഞു. ആരും കൊല്ലപ്പെട്ടിട്ടില്ല.
എന്നാല്‍ മാവോയിസ്റ്റുകള്‍ക്ക് പരിക്കേറ്റിട്ടുണ്ട്. ഇവര്‍ തമ്പടിച്ചിരുന്ന സ്ഥലത്ത് രക്തത്തുളളികള്‍ കണ്ടതാണ് ഈ നിഗമനത്തിന് കാരണം. ആരും കസ്റ്റഡിയില്‍ ഇല്ലെന്നും ആയുധങ്ങള്‍ കണ്ടെടുത്തെന്നും ഡിഐജി അറിയിച്ചു. കൂടുതല്‍ സേനാംഗങ്ങള്‍ ഉള്‍വനത്തില്‍ തുടരുകയാണ്. ഇന്ന് പുലര്‍ച്ചെയും വെടിയൊച്ച കേട്ടെന്ന് നാട്ടുകാര്‍ പറഞ്ഞു.
ഉള്‍വനത്തില്‍ രണ്ടിലധികം ഷെഡുകളുണ്ടെന്നാണ് പൊലീസ് സംശയിക്കുന്നത്. ഈ രണ്ട് ഷെഡ്ഡുകളിലാണ് മാവോയിസ്റ്റുകള്‍ ഉണ്ടായിരുന്നതെന്നാണ് സംശയം. അതേസമയം, മാവോയിസ്റ്റുകള്‍ രക്ഷപ്പെടാതിരിക്കാന്‍ വനാതിര്‍ത്തിയിലെ റോഡുകള്‍ പൊലീസ് വളഞ്ഞു. അയ്യന്‍കുന്ന് മേഖലയില്‍ കൂടുതല്‍ പൊലീസിനെ വിന്യസിച്ചു.
പ്രതികരിക്കാൻ ഇവിടെ എഴുതുക: