പൂനെ: ന്യൂസിലാണ്ടിനെതിരെയുള്ള ലോകകപ്പ് മത്സരത്തില്‍ ആദ്യം ബാറ്റ് ചെയ്ത ദക്ഷിണാഫ്രിക്കയ്ക്ക മികച്ച സ്‌കോര്‍. ദക്ഷിണാഫ്രിക്ക നാല് വിക്കറ്റ് നഷ്ടത്തില്‍ 357 റണ്‍സ് നേടി. ടോസ് നേടിയ ന്യൂസിലാണ്ട് ദക്ഷിണാഫ്രിക്കയെ ബാറ്റിംഗിനയയ്‌ക്കുകയായിരുന്നു.
ബാവുമയെ നേരത്തേ നഷ്ടമായെങ്കിലും രണ്ടാം വിക്കറ്റില്‍ ക്വിന്റണ്‍ ഡി കോക്ക് റാസ്സി വാന്‍ ഡെര്‍ ഡൂസന്‍ കൂട്ടുകെട്ട് 200 റണ്‍സ് നേടിയപ്പോള്‍ ഇരുവരും സെഞ്ച്വറിയടിച്ചു. 114 റണ്‍സെടുത്ത ക്വിന്റണ്‍ ഡി കോക്കിനെ പുറത്താക്കി ടിം സൗത്തിയാണ് ഈ കൂട്ടുകെട്ട് തകര്‍ത്തത്.
റാസ്സി വാന്‍ ഡെര്‍ ഡൂസ്സന്‍ 118 പന്തില്‍ 133 റണ്‍സാണ് നേടിയത്. മൂന്നാം വിക്കറ്റില്‍ ഡേവിഡ് മില്ലറുമായി ചേര്‍ന്ന് 78 റണ്‍സാണ് റാസ്സി തോന്നിയത്. നാലാം വിക്കറ്റില്‍ മില്ലര്‍ ക്ലാസ്സന്‍ കൂട്ടുകെട്ട് 17 പന്തില്‍ നിന്ന് 35 റണ്‍സ് നേടി . മില്ലര്‍ 30 പന്തില്‍ നിന്ന് 53 റണ്‍സ് നേടി ഇന്നിംഗ്‌സിലെ അവസാന പന്തിന് തൊട്ടു മുമ്പത്തെ പന്തില്‍ പുറത്തായി.
ഇന്നിംഗ്‌സിലെ അവസാന പന്ത് നേരിട്ട എയ്ഡന്‍ മാര്‍ക്രം സിക്‌സര്‍ പറത്തിയാണ് ദക്ഷിണാഫ്രിക്കയെ 357എന്ന സ്‌കോറിലെത്തിച്ചത്. ക്ലാസന്‍ 7 പന്തില്‍ പുറത്താകാതെ 15 റണ്‍സ് നേടി.
പ്രതികരിക്കാൻ ഇവിടെ എഴുതുക: