നവ്യാനായര്‍ ഇന്‍സ്റ്റാഗ്രാമില്‍ പങ്കുവെച്ച പുതിയ വീഡിയോ ആണ് ഇപ്പോള്‍ തരംഗം. കൂട്ടുകാരിയോടൊത്ത് ഭക്ഷണം കഴിക്കാനെത്തിയ ഹോട്ടലിലാണ് രംഗം. ഭക്ഷണം കഴിഞ്ഞ്‌ പുറത്തിറങ്ങാറായപ്പോള്‍ ഹോട്ടല്‍ ഉടമയായ ലീല ചേച്ചിയെ സ്വയം പരിചയപ്പെടുത്തുന്നതാണ് വീഡിയോ.
മറയൂരുള്ള ‘രേവതികുട്ടി’ എന്ന ചായക്കടയിലെ ചേച്ചിയോട് എന്നെ മനസ്സിലായോ എന്ന് ചോദിച്ച നവ്യയോട് എവിടെയോ കണ്ടിട്ട്ണ്ട് എന്നും പിന്നെയും സംശയിച്ച് നില്‍ക്കുന്ന ചേച്ചിക്ക് തന്നെ മനസ്സിലാക്കിക്കാന്‍ ശ്രമിക്കുകയാണ്. ചേച്ചി സിനിമയില്‍ വല്ലതും കണ്ടിട്ടുണ്ടോ ചേച്ചി.. നന്ദനം കണ്ടിട്ടുണ്ടോ എന്ന് ചോദിക്കുകയും അതിലെ ബാലാമണിയാണ് താന്‍ എന്നും അവസാനം മനസ്സിലാക്കിക്കൊടുത്തു. എന്നിട്ടും ചേച്ചിക്ക് സംശയം തീര്‍ന്നില്ല. ‘നേരായിട്ടും’ എന്ന് ചേച്ചി. :
‘അവസാനം ഞാന്‍ ഞാനാണെന്ന് തെളിയിച്ചു. ശരവണ താങ്ക്യു’ എന്ന് പറഞ്ഞ് നെടുവീര്‍പ്പിടുകയാണ് നവ്യ…
ഫുഡ് നല്ലതാണെന്നും പറഞ്ഞ് യാത്ര പറഞ്ഞിറങ്ങുന്നതാണ് വീഡിയോ… കണ്ടു തീരും വരെ നിര്‍ത്താതെ ചിരിക്കുന്ന നവ്യയോടൊപ്പം നമുക്കും ഒരു ചിരിക്ക് ഉള്ള വകയുണ്ട്.
ഇന്‍സ്റ്റാഗ്രാമിലെ കമന്റുകളും ചിരിതരുന്നുണ്ട്.
വീഡിയോ കാണാം….
പ്രതികരിക്കാൻ ഇവിടെ എഴുതുക: