വണ്ടിപ്പെരിയാര്‍: വള്ളക്കടവില്‍ യുവാവിനെ വീട്ടില്‍ കയറി ആക്രമിച്ച കേസില്‍ ഒളിവിലായിരുന്ന പ്രതികള്‍ അറസ്റ്റില്‍. ഇതോടെ കേസിലെ ഏഴ് പ്രതികളും പിടിയിലായതായി പോലീസ് അറിയിച്ചു. വള്ളക്കടവ് കരിങ്കുന്നം അബ്ബാസാണ് ആക്രമിക്കപ്പെട്ടത്. കേസില്‍ ഇയാളുടെ ഭാര്യയും മകനും അടക്കമുള്ളവര്‍ പ്രതികളായിരുന്നു. എറണാകുളം ഫോര്‍ട്ട്കൊച്ചി സ്വദേശി ഷെമീര്‍(31), പെരുമ്പടപ്പ് സ്വദേശി ശിവപ്രസാദ് (25), പള്ളുരുത്തി സ്വദേശി ഷാഹുല്‍ ഹമീദ്(37) എന്നിവരെയാണ് ഇന്നലെ പിടികൂടിയത്.
ഒളിവില്‍ കഴിഞ്ഞിരുന്ന ഇവരെ യഥാക്രമം മുംബൈ, ബാംഗ്ലൂര്‍, കോയമ്പത്തൂര്‍ എന്നിവിടങ്ങളില്‍ നിന്നുമാണ് പോലീസ് പിടികൂടിയത്. ആക്രമണത്തിന് ഉപയോഗിച്ച ആയുധങ്ങള്‍ കൂടി കണ്ടെത്തി അന്വേഷണം പൂര്‍ത്തിയാക്കുമെന്ന് വണ്ടിപ്പെരിയാര്‍ എസ്എച്ച്ഒ ഹേമന്ദ് കുമാര്‍ പറഞ്ഞു.
അബ്ബാസിനെ ആക്രമിക്കുന്നതിനായി ഭാര്യ ഷാഹിറയും മകനും ഷെമീര്‍ എന്നയാളെ ചുമതലപ്പെടുത്തുകയായിരുന്നു. ഇയാളാണ് ക്വട്ടേഷന്‍ സംഘത്തെ ഏല്‍പ്പിച്ചത്.
പ്രതികരിക്കാൻ ഇവിടെ എഴുതുക: