ബിരുദത്തിന് ശേഷം വിദ്യാർത്ഥികൾക്ക് സൈനിക പരിശീലനം നൽകണം: കങ്കണ

ബിരുദ പഠനത്തിന് ശേഷം വിദ്യാർത്ഥികൾക്ക് സൈനിക പരിശീലനം നിർബന്ധമാക്കണമെന്ന് നടി കങ്കണ. ഇത്തരത്തിൽ പരിശീലനം നൽകുന്നതോടെ ജനങ്ങളിൽ അച്ചടക്കം ഉണ്ടാകുമെന്നും കങ്കണ ചൂണ്ടിക്കാട്ടി. ജനങ്ങളിൽ അച്ചടക്കബോധം വളർത്തിയെടുക്കുന്നതിനായി ഏറ്റവും മികച്ച മാർഗം എന്ന നിലയിവാണ് സൈനിക പരിശീലനമെന്ന് പറഞ്ഞു. ഇതിലൂടെ ഉത്തരവാദിത്വമില്ലായ്മ മാറി കിട്ടുമെന്നും കങ്കണ പറയുന്നു.

അതേസമയം കങ്കണയുടെ തേജസ് എന്ന ചിത്രത്തിന്റെ ട്രെയിലർ പുറത്തിറങ്ങി. ഗംഭീര സ്വീകരണമാണ് ട്രെയിലറിന് ലഭിച്ചിരിക്കുന്നത്. എയർഫോഴ്‌സ് പൈലറ്റിന്റെ കഥ പറയുന്ന ചിത്രമാണ് തേജസ്. സർവേഷ് മേവാരയാണ് ചിത്രത്തിന്റെ സംവിധാനം നിർവഹിക്കുന്നത്. ഒക്ടോബർ 27-ന് ചിത്രം തീയേറ്ററുകളിലെത്തും.