നെതര്‍ലാണ്ട്‌സിനെ പരാജയപ്പെടുത്തി ന്യൂസിലാണ്ട്

ഹൈദ്രാബാദ്: ഏകദിന ലോകകപ്പിലെ ഇന്ന് നടന്ന മത്സരത്തില്‍ നെതര്‍ലാണ്ട്‌സിനെതിരെ ന്യൂസിലാണ്ടിന് ആധികാരിക ജയം. ന്യൂസിലാണ്ട് 99 റണ്‍സ് വിജയം നേടി.

ആദ്യം ബാറ്റ് ചെയ്ത ന്യൂസിലാണ്ട് 322/7 എന്ന സ്‌കോര്‍ നേടി.നെതര്‍ലാണ്ട്‌സിന് 223 റണ്‍സ് മാത്രമേ നേടാന്‍ കഴിഞ്ഞുളളൂ. 46.3 ഓവറില്‍ നെതര്‍ലാണ്ട്‌സിന്റെ എല്ലാ ബാട്‌സ്മാന്മാരും പുറത്തായി.

69 റണ്‍സ് നേടിയ കോളിന്‍ അക്കര്‍മാന്‍ മാത്രമാണ് നെതര്‍ലാണ്ട്‌സ് നിരയില്‍ പൊരുതിയത്. ന്യൂസിലാണ്ടിനായി മിച്ചല്‍ സാന്റനര്‍ 5 വിക്കറ്റ് വീഴ്‌ത്തി.
ഹെന്റി 3 വിക്കറ്റും നേടി .