കോഴിക്കോട് : സമസ്ത നേതാവ് ഉമര്‍ ഫൈസി മുക്കം സ്ത്രീ വിരുദ്ധ പരാമര്‍ശം നടത്തിയെന്ന് കാട്ടി എഴുത്തുകാരി വി പി സുഹറ പൊലീസില്‍ പരാതി നല്‍കി. കോഴിക്കോട് സിറ്റി പൊലീസ് കമ്മീഷണര്‍ക്കാണ് പരാതി നല്‍കിയത്.
തട്ടമിടാത്ത സ്ത്രീകള്‍ അഴിഞ്ഞാട്ടക്കാരികളെന്ന് ഉമര്‍ ഫൈസി മുക്കം നടത്തിയ പ്രസ്താവനയ്‌ക്കെതിരെയാണ് പരാതി നല്‍കിയത്.
നല്ലളം സ്‌കൂളില്‍ കുടുംബശ്രീ സംഘടിപ്പിച്ച ‘തിരികെ സ്‌കൂളിലേക്ക്’ എന്ന പരിപാടിയില്‍ അതിത്ഥിയായിരുന്ന വി പി സുഹറ തട്ടം ഊരി പ്രതിഷേധിച്ചിരുന്നു. ഇതേതുടര്‍ന്ന് പിടിഎ പ്രസിഡന്റ് അക്രമാസക്തനാവുകയും സംഭവത്തില്‍ വി പി സുഹ്‌റ നല്ലളം പൊലീസില്‍ പരാതി നല്‍കുകയും ഉണ്ടായി. പിടിഎ പ്രസിഡന്റ് തന്നെ അധിക്ഷേപിച്ചെന്നും വി പി സുഹറ പറഞ്ഞിരുന്നു.തെരഞ്ഞെടുപ്പ് മുന്നില്‍ കണ്ടാണ് സിപിഎം തട്ടം വിവാദത്തില്‍ നിന്ന് പിന്നോട്ട് പോയതെന്നും വി പി സുഹറ വിമര്‍ശിച്ചു.
പ്രതികരിക്കാൻ ഇവിടെ എഴുതുക: