ഇലക്ട്രോണിക്സ് കോര്‍പ്പറേഷന്‍ ഓഫ് ഇന്ത്യയില്‍ (ഇ.സി.ഐ.എല്‍.) അപ്രന്റിസ്ഷിപ്പിന് അപേക്ഷ ക്ഷണിച്ചു. ഐ.ടി.ഐ.ക്കാര്‍ക്കാണ് അവസരം. വിവിധ ട്രേഡുകളിലായി 484 ഒഴിവുണ്ട്. ഒരുവര്‍ഷത്തെ പരിശീലനം നവംബറില്‍ ആരംഭിക്കും.18-25 വയസുകാർക്ക് അപേക്ഷിക്കാവുന്നതാണ്. ഉയര്‍ന്ന പ്രായപരിധിയില്‍ എസ്.സി., എസ്.ടി. വിഭാഗക്കാര്‍ക്ക് അഞ്ചുവര്‍ഷത്തെയും ഒ.ബി.സി. വിഭാഗക്കാര്‍ക്ക് മൂന്നുവര്‍ഷത്തെയും ഇളവ് ലഭിക്കും.
ഇ.എം.-190, ഇലക്ട്രീഷ്യന്‍-80, ഫിറ്റര്‍-80, റഫ്രിജറേഷന്‍ ആന്‍ഡ് എ.സി.-20, ടര്‍ണര്‍-20, മെഷീനിസ്റ്റ്-15, മെഷീനിസ്റ്റ് (ജി)-10, കോപ്പാ-40, വെല്‍ഡര്‍-25, പെയിന്റര്‍-4 എന്നിങ്ങനെയാണ് ഒഴിവുകൾ.കോപ്പാ, വെല്‍ഡര്‍, പെയിന്റര്‍ എന്നീ ട്രേഡുകളില്‍ 7,700 രൂപയും മറ്റ് ട്രേഡുകളില്‍ 8,050 രൂപയും സ്‌റ്റൈപ്പന്‍ഡ് ആയി ലഭിക്കും. ബന്ധപ്പെട്ട ട്രേഡില്‍ ഐ.ടി.ഐ. വിജയം (എന്‍.സി.വി.ടി.) അനിവാര്യമാണ്.
ഐ.ടി.ഐ. മാര്‍ക്കിന്റെ അടിസ്ഥാനത്തിലാവും തിരഞ്ഞെടുപ്പ്. 70 ശതമാനം സീറ്റ് ഗവണ്‍മെന്റ് ഐ.ടി.ഐ.കളില്‍നിന്ന് പാസായവര്‍ക്കും 30 ശതമാനം സീറ്റ് സ്വകാര്യ ഐ.ടി.ഐ.കളില്‍നിന്ന് പാസായവര്‍ക്കുമാണ്. സര്‍ട്ടിഫിക്കറ്റ് പരിശോധന ഒക്ടോബര്‍ 16 മുതല്‍ 21 വരെയുള്ള തീയതികളില്‍ ഹൈദരാബാദില്‍ നടക്കും. അവസാന തീയതി: ഒക്ടോബര്‍ 10.
കേന്ദ്രസര്‍ക്കാരിന്റെ അപ്രന്റിസ്ഷിപ്പ് പോര്‍ട്ടലായ www.apprenticeshipindia.gov.in-ല്‍ രജിസ്റ്റര്‍ ചെയ്തശേഷം www.ecil.co.in-ലൂടെ ഓണ്‍ലൈനായി അപേക്ഷിക്കണം. വിശദവിവരങ്ങള്‍ക്ക് www.ecil.co.in സന്ദർശിക്കുക.
പ്രതികരിക്കാൻ ഇവിടെ എഴുതുക: