കൊച്ചി: മൂവാറ്റുപുഴയില്‍ നചടന്ന നബിദിന റാലിയിലേക്ക് പോത്ത് ഓടി കയറി നിരവധി പേര്‍ക്ക് പരിക്ക്. ചെറുവട്ടൂര്‍ കോട്ടപീടിക നൂറുല്‍ ഇസ്ലാം മദ്രസ നടത്തിയ റാലിയിലേക്കാണ് പോത്ത് വിരണ്ടോടികയറിയത്. റാലിയില്‍ പങ്കെടുക്കാനെത്തിയ സ്ത്രീകള്‍ക്കും മദ്രസ വിദ്യാര്‍ഥികള്‍ക്കും ഇടയിലേക്കാണ് പോത്ത് ഓടിക്കയറിയത്.
സംഭവത്തില്‍ ഒരു സ്ത്രീക്ക് ഗുരുതര പരിക്കുണ്ട്. കുട്ടികള്‍ക്കും പരിക്കേറ്റിട്ടുണ്ടെന്നാണ് റിപ്പോര്‍ട്ട്. കുതിച്ചെത്തിയ പോത്തിനെ കണ്ട് റാലിയില്‍ പങ്കെടുക്കാനെത്തിയവര്‍ ചിതറിയോടി. ഇതിനിടെയാണ് ഒരു സ്ത്രീക്ക് പോത്തിന്റെ കുത്തേറ്റത്.. പോത്തിനെ കണ്ട് ഓടുന്നതിനിടെ വീണും മറ്റുമാണ് കുട്ടികള്‍ക്ക് പരിക്കേറ്റത്. സംഭവത്തിന്റെ സിസിടിവി ദൃശ്യങ്ങള്‍ സമൂഹമധ്യമങ്ങളില്‍ പ്രചരിക്കുന്നുണ്ട.
ഇന്നലെ രാത്രി വെസ്റ്റ് മുളവൂര്‍ ജുമാ മസ്ജിദില്‍ നബിദിനം പ്രമാണിച്ച് അറക്കാന്‍ കൊണ്ടുവന്ന പോത്താണിത്. രാത്രിതന്നെ വിരണ്ടോടിയ പോത്തിനെ കണ്ടെത്താനായിരുന്നില്ല. രാവിലെ പിടിക്കാനുള്ള ശ്രമം തുടരുന്നതിനിടെയാണ് പോത്ത് നബിദിന റാലിയിലേക്ക് ഓടിക്കയറിയത്. സംഭവത്തെ തുടര്‍ന്ന് പ്രദേശത്തെ മദ്രസകള്‍ നബിദിന റാലി ഒഴിവാക്കി.
പ്രതികരിക്കാൻ ഇവിടെ എഴുതുക: