ന്യൂദല്‍ഹി: പ്രധാനമന്ത്രി നരേന്ദ്രമോദിയുടെ വാട്ട്സ്ആപ്പ് ചാനല്‍ ഒരാഴ്ചയ്ക്കുള്ളില് നേടിയത് അഞ്ച് ദശലക്ഷം ഫോളോവേഴ്സ്. കമ്മ്യൂണിറ്റിയില്‍ ചേരുന്നതിന് നന്ദി അറിയിച്ച് പ്രധാനമന്ത്രി നരേന്ദ്ര മോദി. 50 ലക്ഷത്തിലേറെ വരുന്ന കമ്മ്യൂണിറ്റിയായി മാറിയെന്നും തന്റെ വാട്ട്സ്ആപ്പ് ചാനലിലൂടെ തന്നോട് ബന്ധപ്പെട്ട എല്ലാവരോടും നന്ദിയുള്ളവനാണ് താനെന്നും നിങ്ങള്‍ ഓരോരുത്തരുടെയും തുടര്‍ച്ചയായ പിന്തുണയ്‌ക്ക് നന്ദിയുണ്ടെന്നും മോദി പറഞ്ഞു.
വാട്ട്സ്ആപ്പ് ചാനലില്‍ ഏറ്റവും കൂടുതല്‍ ഫോളോവേഴ്സുള്ള ലോകനേതാവാണ് ഇപ്പോള്‍ പ്രധാനമന്ത്രി മോദി. ഈ മാസം 20ന് മോദി തന്റെ വാട്ട്സ്ആപ്പ് ചാനലില്‍ ഒരു ദിവസം കൊണ്ട് ഒരു ദശലക്ഷം വരിക്കാരെ കൈവരിച്ചിരുന്നു. 91 ദശലക്ഷത്തിലധികം ഫോളോവേഴ്സുള്ള എക്സില്‍ ഏറ്റവും കൂടുതല്‍ ആളുകള്‍ പിന്തുടരുന്ന ഇന്ത്യക്കാരനാണ് പ്രധാനമന്ത്രി മോദി.
നരേന്ദ്രമോദിക്ക് ഫേസ്ബുക്കില്‍ 48ദശലക്ഷം ഫോളോവേഴ്സും ഇന്‍സ്റ്റാഗ്രാമില്‍ 79 ദശലക്ഷത്തിലേറെ ഫോളോവേഴ്സും ഉണ്ട്. വാട്ട്സ്ആപ്പ് ഫീച്ചര്‍ വന്ന് ദിവസങ്ങള്‍ക്ക് ശേഷം നരേന്ദ്ര മോദി ചൊവ്വാഴ്ചയാണ് വാട്ട്സ്ആപ്പ് ചാനലില്‍ ചേര്‍ന്നത്.
പ്രതികരിക്കാൻ ഇവിടെ എഴുതുക: