കോഴിക്കോട്: സംസ്ഥാനത്ത് പുതിയ നിപ കേസുകള്‍ ഉണ്ടായിട്ടില്ലെന്ന് ആരോഗ്യമന്ത്രി വീണാജോര്‍ജ്. ചികിത്സയിലുള്ള ഒമ്പതു വയസുകാരന്റെ നിലയില്‍ പുരോഗതിയുണ്ട്. ഓക്സിജന്‍ നല്‍കുന്ന സംവിധാനത്തില്‍ നിന്നും മാറ്റി.
ചികിത്സയിലുള്ള മറ്റ് മൂന്ന് പേരുടേയും നില തൃപ്തികരമാണ്.ഇവര്‍ക്ക് രോഗലക്ഷണങ്ങള്‍ ഇല്ല. ഇതുവരെ 323 സാമ്പിളുകള്‍ പരിശോധിച്ചു. അതില്‍ 317 എണ്ണം നെഗറ്റീവാണ്. ആറ് എണ്ണം പോസിറ്റീവാണ്. ഇപ്പോള്‍ സമ്പര്‍ക്ക പട്ടികയിലും ഐസൊലേഷനിലുമായി ഉളളത് 994 പേര്‍ . ആദ്യ കേസിന്റെ സമ്പര്‍ക്കപട്ടികയിലുണ്ടായിരുന്നവരെ ഐസൊലേഷനില്‍ നിന്നും മാറ്റി. 11 പേര്‍ മെഡിക്കല്‍ കോളേജില്‍ ഐസൊലേഷനില്‍ കഴിയുന്നു. ഇവരില്‍ ആര്‍ക്കും പോസിറ്റീവായവരുമായി നേരിട്ട് സമ്പര്‍ക്കമില്ല.
രോഗവ്യാപനം തടയാന്‍ സാധിച്ചുവെന്നും മന്ത്രി പറഞ്ഞു. ഇതുവരെ പോസിറ്റീവ് ആയവര്‍ക്ക് രോഗം ആദ്യ രോഗിയില്‍ നിന്നും പകര്‍ന്നതാണെന്നും മന്ത്രി അറിയിച്ചു.
പ്രതികരിക്കാൻ ഇവിടെ എഴുതുക: