ഏതൊക്കെ റെക്കോര്‍ഡുകളാകും ജവാൻ തിരുത്തുകയെന്നാണ് സിനിമാ ലോകം ഉറ്റുനോക്കുന്നത്. ജവാൻ ഏഴാം ദിനത്തില്‍ 650 കോടിയിലധികം നേടിയിട്ടുണ്ട് എന്നാണ് ട്രേഡ് അനലിസ്റ്റുകള്‍ ട്വീറ്റ് ചെയ്യുന്നത്. ബോക്സ് ഓഫീസില്‍ മാത്രമല്ല ഷാരൂഖ് ചിത്രം ജവാന് റെക്കോര്‍ഡുകള്‍ എന്നാണ് പുതിയ റിപ്പോര്‍ട്ടുകള്‍ സൂചിപ്പിക്കുന്നത്. ഒടിടിയിലും റെക്കോര്‍ഡ് തുകയാണ് ലഭിച്ചിരിക്കുന്നത്.
നെറ്റ്‍ഫ്ലിക്സാണ് ഷാരൂഖ് ഖാൻ ചിത്രത്തിന്റെ ഒടിടി റൈറ്റ്‍സ് വാങ്ങിയിരിക്കുന്നത്. നെറ്റ്ഫ്ലിക്സ് ഷാരൂഖിന്റെ ജവാൻ 250 കോടി രൂപയ്‍ക്കാണ് നേടിയത് എന്നാണ് ഫ്രീ പ്രസ് ജേര്‍ണല്‍ റിപ്പോര്‍ട്ട് ചെയ്യുന്നത്. ഒടിടി റീലിസ് എപ്പോഴെന്ന് വെളിപ്പെടുത്തിയിട്ടില്ല. സെപ്റ്റംബര്‍ ഏഴിന് റിലീസ് ചെയ്‍ത ചിത്രം സ്‍ട്രീമിംഗ് ആരംഭിക്കുന്നത് സംബന്ധിച്ച റിപ്പോര്‍ട്ടുകള്‍ സൂചിപ്പിക്കുന്നത് നാല്‍പതോ അറുപത്തിയഞ്ചോ ദിവസങ്ങള്‍ക്ക് ശേഷമായിരിക്കും എന്നാണ്.
ഗൗരി ഖാനായിരുന്നു ജവാന്റെ നിര്‍മാണം. റെഡ് ചില്ലീസാണ് ജവാന്റെ ബാനര്‍. ജി കെ വിഷ്‍ണുവാണ് ഛായാഗ്രാഹണം. അനിരുദ്ധ് രവിചന്ദറാണ് ജവാന്റെ സംഗീതം.
പ്രതികരിക്കാൻ ഇവിടെ എഴുതുക: