ന്യൂദല്‍ഹി: മാസങ്ങളായി ലൈംഗിക പീഡനത്തിനിരയാക്കിയ അധ്യാപകനെ കൊലപ്പെടുത്തി പതിനാലുകാരന്‍. മുഹമ്മദ് വസീം എന്ന 28 കാരനാണ് മരിച്ചത്. അധ്യാപകന്‍ തന്നെ പലതവണ പീഡിപ്പിക്കുകയും, ഫോണില്‍ വീഡിയോ ചിത്രീകരിച്ച് ബ്ലാക്ക് മെയില്‍ ചെയ്യുകയും ചെയ്തുവെന്ന് വിദ്യാര്‍ത്ഥി പോലീസിനോട് വ്യക്തമാക്കി.
ഇതേതുടര്‍ന്നാണ് താന്‍ അധ്യാപകനെ കഴുത്തറുത്ത് കൊലപ്പെടുത്തിയതെന്ന് കുട്ടി പറഞ്ഞു. ദല്‍ഹിയിലെ ഓഖ്‌ലയിലെ ജാമിയ നഗറിലെ ബട്‌ല ഹൗസ് ഏരിയയിലാണ് സംഭവം. മുഹമ്മദ് വസീം എന്ന 28 കാരനാണ് മരിച്ചത്. അധ്യാപകന്റെ മൊബൈലില്‍ നിന്ന് കുട്ടിയെ പീഡനത്തിനിരയാക്കുന്ന വീഡിയോകള്‍ പോലീസ് കണ്ടെത്തി.
കൊലപാതകം നടന്ന ഫഌറ്റ് വസീമിന്റെ പിതാവ് ജമീല്‍ അഹമ്മദിന്റെ ഉടമസ്ഥതയിലുള്ളതാണ്. മരിച്ചയാള്‍ സ്വവര്‍ഗാനുരാഗിയാണെന്നും രണ്ട് മാസം മുമ്പാണ് ഇയ്യാള്‍ കുട്ടിയുമായി പരിചയത്തിലായതെന്നും ഡെപ്യൂട്ടി പോലീസ് കമ്മീഷണര്‍ (സൗത്ത് ഈസ്റ്റ്) രാജേഷ് ദിയോ പറഞ്ഞു.
പ്രതികരിക്കാൻ ഇവിടെ എഴുതുക: