ന്യൂദല്‍ഹി: ഇന്ത്യ ഹിന്ദുരാഷ്‌ട്രമാണെന്നും എല്ലാ ഇന്ത്യക്കാരും ഹിന്ദുക്കളാണെന്നും ആര്‍എസ്എസ് സര്‍സംഘചാലക് മോഹന്‍ ഭാഗവത്. ഹിന്ദു എന്ന പദം രാജ്യത്തിന്റെ വൈവിധ്യത്തെ മുഴുവന്‍ ഉള്‍ക്കൊള്ളുന്ന ഒന്നാണെന്നും അദ്ദേഹം പറഞ്ഞു.
ഹിന്ദുസ്ഥാന്‍ (ഇന്ത്യ) ഒരു ഹിന്ദു രാഷ്‌ട്രമാണെന്നത് വസ്തുതയാണ്. ആശയപരമായി, എല്ലാ ഭാരതീയരും (ഇന്ത്യക്കാര്‍) ഹിന്ദുക്കളാണ്. ഹിന്ദുക്കള്‍ എല്ലാ ഭാരതീയരേയും പ്രതിനിധീകരിക്കുന്നു. ഭാരതത്തില്‍ (ഇന്ത്യയില്‍) ഇന്ന് ഉള്ളവര്‍ എല്ലാം ഹിന്ദു സംസ്കാരവുമായും ഹിന്ദു പൂര്‍വ്വീകരായും ഹിന്ദു മണ്ണുമായും ബന്ധപ്പെട്ടിരിക്കുന്നു. – മോഹന്‍ ഭാഗവത് പറഞ്ഞു.
ചില വ്യക്തികള്‍ ഇക്കാര്യം മനസ്സിലാക്കുന്നുവെങ്കിലും അവരുടെ സ്വാര്‍ത്ഥതയും ശീലവും മൂലം ഇതിനെ സ്വീകരിക്കുന്നില്ല. തദ്ദേശീയ ഉല്‍പന്നങ്ങള്‍ പ്രോത്സാഹിപ്പിക്കുന്നതിനെയും പരിസ്ഥിതി സംരക്ഷണത്തെയും ഭാഗവത് പ്രസംഗത്തില്‍ പ്രത്യേകം ഊന്നല്‍ നല്‍കി. അനുരഞ്ജനത്തിന്റെ ഒരു സമൂഹത്തെ സൃഷ്ടിക്കാന്‍ കുടുംബ മൂല്യങ്ങളും ചിട്ടയും ജീവിതത്തില്‍ നിലനിര്‍ത്തണമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: