ന്യൂദല്‍ഹി: ജമ്മുകശ്മീരിന്റെ സംസ്ഥാനപദവി എന്ന് പുനഃസ്ഥാപിക്കാനാകുമെന്ന് കേന്ദ്രസര്‍ക്കാരിനോട് സുപ്രീംകോടതി ആരാഞ്ഞു. അതിന് ഒരു സമയപരിധിയോ റോഡ്മാപ്പോ നിശ്ചയിക്കണമെന്ന് കോടതി ആവശ്യപ്പെട്ടു. 370-ാം വകുപ്പുമായി ബന്ധപ്പെട്ട് ഭരണഘടനാ ബെഞ്ച് വാദം കേള്‍ക്കുന്നതിനിടെയാണ് ചീഫ് ജസ്റ്റിസ് ജസ്റ്റിസ് ഡി.
വൈ. ചന്ദ്രചൂഡ് കേന്ദ്രത്തോട് ഇത്തരമൊരു ചോദ്യം ഉന്നയിച്ചത്. ജമ്മു കശ്മീര്‍ ഒരു കേന്ദ്രഭരണ പ്രദേശമായി തുടരില്ലെന്ന് കേന്ദ്രസര്‍ക്കാരിനുവേണ്ടി ഹാജരായ സോളിസിറ്റര്‍ ജനറല്‍ തുഷാര്‍ മേത്ത വ്യക്തമാക്കി. ഇന്ന് ഇതുസംബന്ധിച്ച് വ്യക്തത നല്‍കുമെന്നും അദ്ദേഹം അറിയിച്ചു. അതേസമയം, ലഡാക്ക് ഒരു കേന്ദ്രഭരണ പ്രദേശമായി തുടരുമെന്നും ഈ വര്‍ഷം സപ്തംബറോടെ അവിടെ തെരഞ്ഞെടുപ്പ് പൂര്‍ത്തിയാക്കുമെന്നും സോളിസിറ്റര്‍ ജനറല്‍ വ്യക്തമാക്കി.
ജമ്മുകശ്മീരിന്റെ സംസ്ഥാന പദവി എടുത്തുകളഞ്ഞതില്‍ ദേശസുരക്ഷയുമായി ബന്ധപ്പെട്ട വിഷയങ്ങള്‍ ഉള്‍പ്പെട്ടിട്ടുണ്ടെന്ന് തങ്ങള്‍ മനസ്സിലാക്കുന്നു, രാഷ്‌ട്രത്തിന്റെ സംരക്ഷണമാണ് പ്രധാന പരിഗണനയെന്ന് തങ്ങള്‍ക്കറിയാമെന്നും വാദത്തിനിടെ ചീഫ് ജസ്റ്റിസ് വ്യക്തമാക്കി. ജനാധിപത്യത്തിന്റെ പുനഃസ്ഥാപനം നമ്മുടെ രാജ്യത്തിന്റെ സുപ്രധാന ഘടകമാണെന്നും ചീഫ് ജസ്റ്റിസ് ഓര്‍മ്മിപ്പിച്ചു.
Friday, November 22, 2024
ജമ്മുകശ്മീരിന്റെ സംസ്ഥാനപദവി എന്ന് പുനഃസ്ഥാപിക്കാനാകുമെന്ന് സുപ്രീംകോടതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: