ന്യൂദല്‍ഹി: മോദി സര്‍ക്കാരിനെതിരെ ആഗസ്ത് എട്ട് മുതല്‍ 10 വരെ നടക്കുന്ന അവിശ്വാസചര്‍ച്ചകളിലും വോട്ടെടുപ്പിലും പ്രതിപക്ഷത്തിനൊപ്പമില്ലെന്ന് പ്രഖ്യാപിച്ച് തെലുങ്കാന മുഖ്യമന്ത്രിയും ബിആര്‍എസ് നേതാവുമായി കെ. ചന്ദ്രശേഖരറാവു.
തന്റെ പാര്‍ട്ടി പ്രതിപക്ഷമുന്നണിയുമായി ഒപ്പമില്ലെന്നും കെസിആര്‍ എന്ന ചന്ദ്രശേഖരറാവു പറഞ്ഞു. മഹാരാഷ്‌ട്രയില്‍ മാധ്യമങ്ങളോട് സംസാരിക്കുകയായിരുന്നു കെസിആര്‍.
പ്രതിപക്ഷ മുന്നണിയുടെ പേരായ ഇന്ത്യയെയും കെസിആര്‍ വിമര്‍ശിച്ചു. “എന്താണ് ഈ ഇന്ത്യ? കഴിഞ്ഞ 30 വര്ഷം രാജ്യം ഭരിച്ചവരാണ് കോണ്‍ഗ്രസ്. പക്ഷെ രാജ്യത്തിന് ഒരു മാറ്റവും വരുത്താന‍് കഴിഞ്ഞില്ല. രാജ്യം ഇപ്പോഴും മാറ്റം ആവശ്യപ്പെടുന്നു.” – കെസിആര്‍ പറഞ്ഞു.
പ്രതികരിക്കാൻ ഇവിടെ എഴുതുക: