ന്യൂദല്‍ഹി: കേരള ഗവര്‍ണര്‍ ആരിഫ് മുഹമ്മദ് ഖാന്റെ വാഹന വ്യൂഹത്തിന് നേരെ ആക്രമണം. വാഹനവ്യൂഹത്തിലേക്ക് കാര്‍ ഇടിച്ചുകയറ്റാന്‍ ശ്രമിച്ചു. ഉത്തര്‍പ്രദേശില്‍ നിന്ന് ദല്‍ഹിയിലേക്ക് വരുമ്പോഴായിരുന്നു ആക്രമണം. ഒരു സ്‌കോര്‍പിയോ കാര്‍ ആണ് ഇടിച്ചു കയറ്റാന്‍ ശ്രമിച്ചത്.
ഗവര്‍ണര്‍ സുരക്ഷിതനാണെന്നാണ് പോലീസ് വ്യക്തമാക്കുന്നത്. ഗവര്‍ണറുടെ വാഹനത്തെ പിന്തുടര്‍ന്ന് റോങ്ങ് സൈഡിലൂടെ മറ്റ് വാഹനങ്ങളെ മറികടന്ന് ഗവര്‍ണറുടെ വാഹനത്തിലേക്ക് ഇടിച്ചുകയറ്റാനായിരുന്നു ശ്രമം. എന്നാല്‍, ഗവര്‍ണറിനൊപ്പമുണ്ടായിരുന്ന സുരക്ഷാ ഉദ്യോഗസ്ഥരുടെ കൃത്യമായ ഇടപെടല്‍ അപകടം ഒഴിവാക്കുകയായിരുന്നു. സ്‌കോര്‍പിയോ ഡ്രൈവര്‍ മദ്യലഹിരിയിലായിരുന്നുവെന്നാണ് വിവരം. സംഭവവുമായി ബന്ധപ്പെട്ട് രണ്ട് പേരെ കസ്റ്റഡിയിലെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: