മുംബൈ: ഏഷ്യാകപ്പ് നടത്തിപ്പ് സംബന്ധിച്ച തീരുമാനം ഞായറാഴ്ചയുണ്ടാകുമെന്ന് ഏഷ്യന്‍ ക്രിക്കറ്റ് കൗണ്‍സില്‍ പ്രസിഡന്റ് ജയ് ഷാ. അഹമ്മദാബാദില്‍ ഇന്ത്യന്‍ പ്രീമിയര്‍ ലീഗ്(ഐപിഎല്‍) ഫൈനല്‍ നടക്കുന്ന ദിവസം ബംഗ്ലാദേശ് ക്രിക്കറ്റ് ബോര്‍ഡ്, അഫ്ഗാനിസ്ഥാന്‍ ക്രിക്കറ്റ് ബോര്‍ഡ്, ശ്രീലങ്കന്‍ ക്രിക്കറ്റ് എന്നിവയുടെ തലവന്‍മാരുമായി കൂടിക്കാഴ്ച നടത്തുമെന്ന് അദ്ദേഹം വ്യക്തമാക്കി. ഈ യോഗത്തിലായിരിക്കും ഏഷ്യാകപ്പ് സംബന്ധിച്ച തീരുമാനം.
സെപ്തംബറിലായിരിക്കും ടൂര്‍ണമെന്റ് നടത്തുക. പാക്കിസ്ഥാന്‍ വേദിയാകുകയാണെങ്കില്‍ അവിടേക്ക് ഇന്ത്യന്‍ താരങ്ങള്‍ കളിക്കാന്‍ പോകില്ലെന്ന് അറിയിച്ചിരുന്നു. അതിന് പിന്നാലെ തങ്ങള്‍ ലോകകപ്പ് കളിക്കാന്‍ ഇന്ത്യയിലേക്ക് വരില്ലെന്ന് പാക്കിസ്ഥാന്‍ ക്രിക്കറ്റ് ബോര്‍ഡും അറിയിച്ചു.
ഇത് വലിയപ്രസിന്ധിയിലേക്ക് നയിക്കുമെന്ന പ്രതീതിയുണ്ടാക്കിയിരുന്നു. ഏഷ്യാകപ്പിന് പാക്കിസ്ഥാനെ വേദിയാക്കണമെന്ന് പാക്കിസ്ഥാന്‍ ക്രിക്കറ്റ് ബോര്‍ഡ് നേരത്തെ ആവശ്യം ഉന്നയിച്ചിട്ടുള്ളതാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: