ചെന്നൈ: ഞായറാഴ്ച നടക്കുന്ന ഫൈനലിലേക്ക് യോഗ്യത നേടി ചെന്നൈ സൂപ്പര്‍ കിംഗ്‌സ്. ബുധനാഴ്ചത്തെ എലിമിനേറ്ററില്‍ ലക്‌നൗ സൂപ്പര്‍ ജയന്റ്സുമായി മുംബൈ ഇന്ത്യന്‍സ് ഏറ്റുമുട്ടും.
ഒന്നാം ക്വാളിഫയറില്‍ ചെന്നൈ സൂപ്പര്‍ കിംഗ്‌സ് 15 റണ്‍സിന് ഗുജറാത്ത് ടൈറ്റന്‍സിനെ തോല്‍പ്പിച്ചാണ് ഫൈനലില്‍ പ്രവേശിച്ചത്.
ഗുജറാത്ത് ടൈറ്റന്‍സിന് ചെന്നൈ173 റണ്‍സിന്റെ വിജയലക്ഷ്യമാണ് ഉയര്‍ത്തിയത്. ചെന്നൈ എംഎ ചിദംബരം സ്റ്റേഡിയത്തില്‍ നടന്ന മത്സരത്തില്‍ ചെന്നൈ നിശ്ചിത 20 ഓവറില്‍ 7 വിക്കറ്റ് നഷ്ടത്തില്‍ 172 റണ്‍സെടുത്തു.എന്നാല്‍ ചെന്നൈയ്‌ക്കെതിരെ ഗുജറാത്തിന് 157 റണ്‍സ് മാത്ര നേടാനേ കഴിഞ്ഞുളളൂ. നേരത്തെ ടോസ് നേടിയ ഗുജറാത്ത് ഫീല്‍ഡിംഗ് തിരഞ്ഞെടുക്കുകയായിരുന്നു.
ആദ്യ ക്വാളിഫയറില്‍ തോല്‍ക്കുന്ന ടീമിന് രണ്ടാം ക്വാളിഫയറിലെ എലിമിനേറ്ററിലെ വിജയികളെ നേരിട്ടുകൊണ്ട് ഫൈനലിലേക്ക് യോഗ്യത നേടാനുള്ള മറ്റൊരു അവസരം ലഭിക്കും. ഈ മത്സരത്തിലെ വിജയികള്‍ ഞായറാഴ്ച നടക്കുന്ന ഫൈനലില്‍ ചെന്നൈയെ നേരിടും.
പ്രതികരിക്കാൻ ഇവിടെ എഴുതുക: