ന്യൂദല്‍ഹി: ആഭ്യന്തരകലാപം കത്തിക്കാളുന്ന സുഡാനില്‍ നിന്ന് ഇന്ത്യക്കാരെ ഒഴിപ്പിച്ചു തുടങ്ങിയതായി കേന്ദ്ര സര്‍ക്കാര്‍ അറിയിച്ചു. ഓപ്പറേഷന്‍ കാവേരി വഴി ഇതിനകം 500 പേരെ സുഡാന്‍ തുറമുഖത്ത് എത്തിച്ചതായും വിദേശകാര്യമന്ത്രി ഡോ. എസ്. ജയശങ്കര്‍ ട്വിറ്ററില്‍ വെളിപ്പെടുത്തി. ഐഎന്‍എസ് സുമേധയെന്ന നാവിക സേനാക്കപ്പല്‍ പോര്‍ട്ട് സുഡാനില്‍ എത്തിയിട്ടുണ്ട്.
ഇതിനു പുറമേ രണ്ട് വ്യോമസേനാ വിമാനങ്ങള്‍ സൗദിയിലെ ജിദ്ദയിലും എത്തി. സംഘര്‍ഷ മേഖലകളില്‍ നിന്ന് ഒഴിപ്പിക്കുന്നവരെ ഇവയിലാകും നാട്ടിലേക്ക് മടക്കിയയക്കുക. മൂന്ന് ഇന്ത്യാക്കാരെ കഴിഞ്ഞ ദിവസം സൗദി അറേബ്യ ഒഴിപ്പിച്ചിരുന്നു. ഇന്ത്യക്കാര്‍ അടക്കം 28 രാജ്യങ്ങളില്‍ നിന്നുള്ള 388 പേരെ ഇന്നലെ ഫ്രാന്‍സും മോചിപ്പിച്ചു. ഇതിനു പിന്നാലെയാണ്, സുഡാനില്‍ കുടുങ്ങിയ മൂവായിരത്തോളം പോരെ ഒഴിപ്പിക്കാനുള്ള നടപടി തുടങ്ങിയത്.
പ്രതികരിക്കാൻ ഇവിടെ എഴുതുക: