ബര്‍മിങ്ഹാം: ഓള്‍ ഇംഗ്ലണ്ട് ബാഡ്മിന്റണ്‍ വനിതാ സിംഗിള്‍സില്‍ പി.വി. സിന്ധുവിന് മടക്കം. ചൈനയുടെ ഷാങ് യി മന്‍ സിന്ധുവിനെ കീഴടക്കി, സ്‌കോര്‍: 21-17, 21-11. അതേസമയം, പുരുഷ സിംഗിള്‍സില്‍ കെ. ശ്രീകാന്തിന് ജയം. ആദ്യം ഗെയിം നഷ്ടമായ ശേഷം തിരിച്ചടിച്ച് ശ്രീകാന്ത് ഫ്രാന്‍സിന്റെ ടൊമ പൊപോവിനെ തോല്‍പ്പിച്ചു, 19-21, 21-14, 21-5.
പുരുഷ ഡബിള്‍സില്‍ ഇന്ത്യന്‍ സഖ്യങ്ങളുടെ പോരാട്ടത്തില്‍ ആറാം സീഡ് സാത്വിക് സായ്‌രാജ് റാങ്കി റെഡ്ഡി-ചിരാഗ് ഷെട്ടി സഖ്യത്തിന് ജയം. കൃഷ്ണപ്രസാദ് ഗാര്‍ഗ-വിഷ്ണുവര്‍ധന്‍ ഗൗഡ് പഞ്ചാല കൂട്ടുകെട്ടിനെ 21-13, 21-13ന് കീഴടക്കി. വനിതാ ഡബിള്‍സില്‍ മലയാളി താരം ട്രീസ ജോളി-ഗായത്രി ഗോപിചന്ദ് സഖ്യത്തിന് മുന്നേറ്റം. തായ്‌ലന്‍ഡിന്റെ ജൊങ് കൊല്‍ഫാന്‍ കിതിതാര്‍കുല്‍-റാവിന്‍ഡ പ്രജോങ്ജയ് സഖ്യത്തെയാണ് തോല്‍പ്പിച്ചത്, സ്‌കോര്‍: 21-18, 21-14.
പ്രതികരിക്കാൻ ഇവിടെ എഴുതുക: