തൃശ്ശൂര്‍ : കൊടുങ്ങല്ലൂര്‍ പോലീസ് സ്റ്റേഷന് എസ്‌ഐക്കു നേരെ യുവാക്കളുടെ ആക്രമണം. ചൊവ്വാഴ്ച രാത്രിയോടെയാണ് യുവാക്കളുടെ പരാക്രമം നടന്നത്. ബാറില്‍ സംഘര്‍ഷമുണ്ടാക്കിയതിനെ തുടര്‍ന്ന് കസ്റ്റഡിയിലെടുത്ത പ്രതികളാണ് അക്രമം നടത്തിയത്.
എടവിലങ്ങ് പൊടിയന്‍ ബസാര്‍ സ്വദേശികളായ കുന്നത്ത് രഞ്ജിത്ത് (37), വാലത്ത് വികാസ് (35) എന്നിവരാണ് പോലീസ് സ്റ്റേഷന് ആക്രമിച്ച് എസ്‌ഐയേയും മര്‍ദ്ദിച്ചത്. അക്രമാസക്തരായ ഇരുവരും കസേര കൊണ്ട് പോലീസ് സ്‌റ്റേഷന്റെ ജനല്‍ ചില്ലും അടിച്ചു തകര്‍ത്തു. ഇത് തടയാന്‍ ശ്രമിക്കുന്നതിനിടെയാണ് എസ്‌ഐക്ക് നേരേയും ആക്രമണമുണ്ടായത്.
കൈയ്‌ക്ക് പരിക്കേറ്റ എസ്‌ഐ കെ. അജിത്ത് ആശുപത്രിയില്‍ ചികിത്സയിലാണ്. അറസ്റ്റിലായ പ്രതികള്‍ക്കെതിരെ പൊതുമുതല്‍ നശിപ്പിക്കല്‍, പോലീസ് ഉദ്യോഗസ്ഥനെ ആക്രമിക്കല്‍, ഔദ്യോഗീക കൃത്യ നിര്‍വഹണം തടസ്സപ്പെടുത്താന്‍ ശ്രമിക്കല്‍ എന്നീ വകുപ്പുകള്‍ ചുമത്തി. കൈയ്‌ക്ക് പരിക്കേറ്റ എസ് ഐ കെ അജിത്ത് ചികിത്സയിലാണ്.
പ്രതികരിക്കാൻ ഇവിടെ എഴുതുക: