പാറശാല: ഷാരോണിനെ കൊല്ലാന്‍ വേണ്ടി നല്‍കിയ കഷായത്തില്‍ തുരിശ് ചേര്‍ത്തിരുന്നതായി ഗ്രീഷ്മ ചോദ്യം ചെയ്യലില്‍ സമ്മതിച്ചു. അതേ സമയം ഈ കൊലപാതകത്തില്‍ ഗ്രീഷ്മയെ മറ്റൊരാള്‍ കൂടി സഹായിച്ചതായി പൊലീസ് പറഞ്ഞു. അതേ സമയം ഇത് ആരാണെന്ന് വെളിപ്പെടുത്തിയിട്ടില്ല.
ആദ്യഭര്‍ത്താവ് മരിക്കുമെന്ന് ഗ്രീഷ്മയും കുടുംബവും വിശ്വസിച്ചിരുന്നു. ഈ അന്ധവിശ്വാസത്തിന്റെ ഫലമായി ഷാരോണിനെ എത്രയും വേഗം ജീവിതത്തില്‍ നിന്നൊഴിവാക്കാനായിരുന്നു ഗ്രീഷ്മ കഷായത്തില്‍ തുരിശ് ചേര്‍ത്ത് നല്‍കിയത്. ഇതാണ് ഷാരോണിന്റെ വായില്‍ പൊള്ളലേല്‍ക്കാന്‍ കാരണമെന്നറിയുന്നു.
ശാസ്ത്രീയ പരിശോധനയില്‍ കോപ്പര്‍ സള്‍ഫേറ്റിന്റെ അംശം ഉള്ളതായി കണ്ടെത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: