കണ്ണൂര്‍: എത്രയും പെെട്ടന്ന് വൈസ് ചാന്‍സലര്‍മാരുടെ രാജി ഉറപ്പ് വരുത്താനാണ് മുഖ്യമന്ത്രി പിണറായി വിജയന്‍ ശ്രമിക്കേണ്ടതെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. പാനൂരില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
വൈസ് ചാന്‍സലര്‍മാര്‍ ഉറപ്പായും രാജിവച്ച് പുറത്ത് പോകേണ്ടി വരും. ഇവരെ പിടിച്ചുനിര്‍ത്താന്‍ ശ്രമിക്കുന്ന മുഖ്യമന്ത്രിക്ക് വലിയ തിരിച്ചടിയാണ് വരാന്‍ പോകുന്നത്. സര്‍വകലാശാലകളെ മുഴുവന്‍ കൈപ്പിടിയിലൊതുക്കി അനധികൃത നിയമനങ്ങളിലൂടെ പാര്‍ട്ടിക്കാരെയും പാര്‍ട്ടി നേതാക്കളെയും തിരുകിക്കയറ്റാനുള്ള ആസൂത്രിതമായ ഗൂഢാലോചനയാണ് നടക്കുന്നത്. സംസ്ഥാനത്ത് ഉന്നത വിദ്യാഭ്യാസരംഗം പൂര്‍ണ്ണമായും മാര്‍ക്‌സിസ്റ്റുവല്‍ക്കരിക്കുകയാണ്.
ഉന്നത വിദ്യാഭ്യാസ മേഖലയെ സംരക്ഷിക്കാന്‍ അടിയന്തിരമായി ഇത്തരം വിസിമാരെ ഒഴിവാക്കി ശരിയായ പരിശോധനയിലൂടെ അക്കാദമിക് മികവുള്ള ആളുകളെ കണ്ടെത്താനുള്ള ശ്രമാണ് ഇവിടെ നടക്കേണ്ടത്. യുജിസി ചട്ടങ്ങള്‍ ലംഘിച്ച് കൊണ്ടാണ് കേരളത്തിലെ വിസിമാരായി പാര്‍ട്ടിക്കാരെ നിയമിക്കുന്നത്, സുരേന്ദ്രന്‍ പറഞ്ഞു.
പ്രതികരിക്കാൻ ഇവിടെ എഴുതുക: