കൊല്ലം: തീരക്കടലിലും മത്സ്യബന്ധന ഹാര്‍ബറുകളിലും അഴിമുഖങ്ങളിലും പോലീസ് എക്സൈസ് സംഘം നിയമവിരുദ്ധ പ്രവര്‍ത്തനങ്ങളുടെ വേരുകള്‍ തേടി സംയുക്ത പരിശോധന സംഘടിപ്പിച്ചു.
കടലും ഹാര്‍ബറുകളും, അഴിമുഖങ്ങളും പരിശോധനയ്‌ക്ക് വേദികളായി. ആഴക്കടലിലെ ലഹരി സംഘങ്ങളെ തേടി പോലീസിന്റെ ഇന്റര്‍സെപ്റ്റര്‍ ബോട്ടുകളായ യോദ്ധയും ദര്‍ശനയും കൊല്ലം തീരക്കടലിലറങ്ങി. അഴിമുഖങ്ങളിലും കടലിലും മത്സ്യബന്ധന ബോട്ടുകളുടെ സ്റ്റോര്‍റൂമുകള്‍ അടക്കം പരിശോധന സംഘം സൂക്ഷ്മപരിശോധനയ്‌ക്ക് വിധേയമാക്കി. പരിശോധനകള്‍ക്ക് നീണ്ടകര തീരദേശ ഇന്‍സ്പെക്ടര്‍ ആര്‍. രാജേഷ് നേതൃത്വം നല്കി. എക്സൈസ് ഇന്‍സ്പെക്ടര്‍മാരായ മധുസൂധനന്‍ പിള്ള, ശങ്കര്‍, പോലീസ് എസ്ഐ സ്റ്റെപ്റ്റോ ജോണ്‍ എന്നിവര്‍ നേതൃത്വം നല്കി.
പ്രതികരിക്കാൻ ഇവിടെ എഴുതുക: