അത്തോളി: കെഎസ്ആര്‍ടിസി ബസില്‍ മാദ്ധ്യമ പ്രവര്‍ത്തകയോട് അപമര്യാദയായി പെരുമാറിയ യുവാവ് പിടിയില്‍. മുക്കം താഴെക്കോട്ട് മാമ്പറ്റ നൗഷാദ് (34) നെയാണ് അത്തോളി പോലീസ് അറസ്റ്റ് ചെയ്തത്. കഴിഞ്ഞ ദിവസം പത്രത്തിലെ രാത്രി ഷിഫ്റ്റ് ജോലി കഴിഞ്ഞ യുവതി പുലർച്ചെ 1.30 ഓടെ വീട്ടിലേക്കു മടങ്ങുന്നതിനിടെയാണ് കേസിനാസ്പദമായ സംഭവം.
കോഴിക്കോട് നിന്ന് ബസില്‍ കയറിയ യുവാവ് വെസ്റ്റ്ഹില്‍ കഴിഞ്ഞതോടെ അപമര്യാദയായി പെരുമാറുകയായിരുന്നു. മാദ്ധ്യമ പ്രവര്‍ത്തകയുടെ പരാതിയില്‍ ഡ്രൈവര്‍ ബസ് അത്തോളി പോലീസ് സ്റ്റേഷനിലെത്തിച്ചു. യുവാവ് മദ്യലഹരിയിലായിരുന്നുവെന്ന് പോലീസ് പറഞ്ഞു. പേരാമ്പ്ര കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
സംഭവം നടന്നത് നടക്കാവ് പോലീസ് സ്റ്റേഷൻ പരിധിയിലായതിനാൽ തുടർ നടപടികൾ നടക്കാവ് പൊലീസ് സ്വീകരിക്കുമെന്ന് അത്തോളി പൊലീസ് ഇൻസ്പെക്ടർ പറഞ്ഞു.
പ്രതികരിക്കാൻ ഇവിടെ എഴുതുക: