പാലക്കാട്: പാലക്കാട് പോക്‌സോകേസിലെ അതിജീവതയെ ഗുരുവായൂരില്‍ കണ്ടെത്തി.പതിനൊന്നുകാരിയായ കുട്ടി കണ്ടെത്തിയത് മാതാപിതാക്കള്‍ക്കൊപ്പമായിരുന്നു.പ്രധാന പ്രതി കുട്ടിയുടെ മാതാപിതാക്കളുടെ ബന്ധുവാണ്.അതിനാല്‍ കുട്ടിയുടെ മൊഴിമാറ്റുന്നതിനായാണ് തട്ടികൊണ്ടു പോയത്.പാലാക്കാട്ടുനിന്നുളള പ്രത്യേക അന്വേഷണസംഘമാണ് ഗുരുവായൂര്‍ ക്ഷേത്രത്തിന് സമീപത്തെ ലോഡ്ജില്‍ നിന്ന് കുട്ടിയെയും മാതാപിതാക്കളെയും കണ്ടെത്തിയത്.
മാതാപിതാക്കളെ പോലീസ് അറസ്റ്റ് ചെയ്തു.പ്രതികള്‍ എല്ലാം കുട്ടിയുടെ ബന്ധുക്കളാണ്.16-ാം തീയതിയാണ് വിചാരണ ആരംഭിക്കാനിരുന്നത്.എന്നാല്‍ കുട്ടിക്ക് മാതാപിതാക്കളെ ഭയമാണെന്നും ഇവര്‍ നിരന്തരം മൊഴിമാറ്റാനായി കുട്ടിയെ ഭീഷണിപ്പെടുത്താറുണ്ടെന്നും കുട്ടി കോടതിയില്‍ മൊഴി നല്കിയിരുന്നു.അതിനാല്‍ കുട്ടിയുടെ ചുമതല മുത്തശ്ശിയ്‌ക്കായിരുന്നു.പ്രതികള്‍ക്കായി മാത്രം നിലകൊണ്ടതുകൊണ്ട് മാതാപിതാക്കള്‍ക്ക് ഒരിക്കലും ചുമതല നല്‍കിയിരുന്നില്ല.
കുട്ടി മൊഴിമാറ്റി നല്കുന്നതിനായി മാതാപിതാക്കള്‍, സംരക്ഷണ ചുമതലയുളളവര്‍ക്ക് പണം വാഗ്ദാനം നല്കിയിരുന്നു.തട്ടികൊണ്ടു പോകുമ്പോള്‍ കുട്ടിയെ ഇവര്‍ ക്രൂരമായി മര്‍ദ്ദിച്ചിരുന്നുതായും ദൃക്‌സാക്ഷികള്‍ അടക്കം മൊഴി നല്കിയിരുന്നു.കാണാതായതിന് പിന്നില്‍ മാതാപിതാക്കള്‍ ആയിരിക്കുമെന്ന് സംരക്ഷണചുമതലയുളളവര്‍ മൊഴി നല്കിയിരുന്നു.കാരണമായി പറയുന്നത് പ്രധാനപ്രതി ഇവരുടെ ബന്ധുവാണ് അയാളെ സംരക്ഷിക്കുന്ന നിലപാടാണ് ഇവര്‍ എപ്പോഴും സ്വീകരിച്ചിരുന്നത്.ഇതിനായി കുട്ടിയെ ക്രൂരമായി മര്‍ദ്ദിച്ചിരുന്നു.സംരക്ഷണചുമതലയുളളവരുടെ മൊഴിയുടെ അടിസ്ഥാന്തതില്‍ പോലീസ് നടത്തിയ വിശദമായ അന്വേഷണത്തിനൊടുവിലാണ് കുട്ടിയെ കണ്ടെത്തിയത്.
പ്രതികരിക്കാൻ ഇവിടെ എഴുതുക: