ലക്‌നൗ: ഉത്തര്‍പ്രദേശിലെ അയോധ്യ ജില്ലയില്‍ ഇന്നലെ രാത്രി യുവാവിനെ കഴുത്തറുത്ത് കൊലപ്പെടുത്തി. വീടിന് സമീപമുള്ള ഹനുമാന്‍ ക്ഷേത്രത്തില്‍ ഉറങ്ങുകയായിരുന്ന അമേഠി സ്വദേശിയായ 35 കാരന്‍ പങ്കജ് ശുക്ല എന്ന യുവാവാണ് കൊല്ലപ്പെട്ടത്.
കൊലപാതകവുമായി ബന്ധപ്പെട്ട സാഹചര്യങ്ങള്‍ അധികൃതര്‍ പരിശോധിച്ചുവരികയാണ്. രണ്ട് മാസത്തോളമായി മാതൃസഹോദരനായ ശിവനാരായണന്റെ വീട്ടില്‍ താമസിച്ചിരുന്ന പങ്കജ് ഇടയ്‌ക്കിടെ ക്ഷേത്രത്തിലെ പ്ലാറ്റ്‌ഫോമില്‍ കിടന്നുറങ്ങാറുണ്ടായിരുന്നു. ചൂട് കൂടുതലുള്ള സമയത്ത് ഫാന്‍ ഉള്ളതിനാലാണ് ക്ഷേത്രത്തില്‍ ഇയാള്‍ ഉറങ്ങാന്‍ എത്താറുള്ളത്.
‘ഭുവാപൂര്‍ ഗ്രാമത്തിലെ ഹനുമാന്‍ ക്ഷേത്രപരിസരത്ത് കഴുത്ത് മുറിഞ്ഞ നിലയിലാണ് യുവാവിന്റെ മൃതദേഹം കണ്ടെത്തിയത്. പോസ്റ്റ്‌മോര്‍ട്ടം നടത്തി, എഫ്‌ഐആര്‍ രജിസ്റ്റര്‍ ചെയ്തു, അന്വേഷണം നടക്കുകയാണെന്ന് മിലക്പൂര്‍ അയോധ്യ സര്‍ക്കിള്‍ ഓഫിസര്‍ സത്യേന്ദ്ര ഭൂഷണ്‍ വ്യക്തമാക്കി.
പ്രതികരിക്കാൻ ഇവിടെ എഴുതുക: