പമ്പയില്‍ എത്തിയ പോലീസ് വാനില്‍ മതചിഹ്നം; ചന്ദ്രക്കലയും നക്ഷത്രവും പതിച്ച വാന്‍ എത്തിയത് മാസ പൂജക്ക് ശബരിമല നട തുറന്നപ്പോള്‍ (വീഡിയോ)

പമ്പ: പമ്പയില്‍ പോലീസുകാരുമായെത്തിയ പോലീസ് വാനിലെ ചിഹ്നം വിവാദമാവുന്നു. ഇസ്ലാം മതചിഹ്നത്തെ പോലെയുള്ള ചന്ദ്രക്കലയും നക്ഷത്രവും പതിച്ചാണ് പോലീസ് വാഹനം പമ്പയിലെത്തിയത്. എന്നാല്‍, പോലീസ് വാഹനങ്ങളില്‍ ഇത്തരത്തിലുള്ള ഒരു ചിഹ്നവും അനുവദിച്ചിട്ടില്ലെന്നാണ് ഔദ്യോഗിക വിശദീകരണം

മാസ പൂജക്ക് ശബരിമല നട തുറന്നപ്പോള്‍ പമ്പയിലെത്തിയ പോലീസ് വാനിനെച്ചൊല്ലിയാണ് വിവാദം. വാനിനു പിറകില്‍ ചന്ദ്രക്കലയും നക്ഷത്രവും പതിച്ചിരുന്നു. ബറ്റാലിയന്‍ ഉപയോഗിക്കുന്ന വാനിലായിരുന്നു ഇങ്ങനെ ചിഹ്നം പതിച്ചത്.  

ശബരിമല പോലെ ഏറ്റവും പ്രധാനപ്പെട്ട വിശ്വാസ കേന്ദ്രത്തില്‍ ഇത്തരത്തില്‍ ചിഹ്നംപതിച്ച് പോലീസ് വാഹനം എത്തിയതിനു പിന്നില്‍ ഗൂഢാലോചനയുണ്ടോ എന്നത് ഉന്നത ഉദ്യോഗസ്ഥര്‍ പരിശോധിക്കുന്നുണ്ട്. വാഹനങ്ങള്‍ അനുവദിക്കുമ്പോള്‍ പോലീസ് എന്ന് എഴുതുകയും ഔദ്യോഗിക ചിഹ്നം പതിക്കുകയുമല്ലാതെ മറ്റ് യാതൊരുവിധ ചിഹ്നങ്ങും പാടില്ലെന്നാണ് ചട്ടം.