ന്യൂദല്‍ഹി: മഹാരാഷ്ട്രയ്ക്ക് മുകളില്‍ ഉരുണ്ടുകൂടിയ ഏറ്റവും വലിയ അപകടമാണ് ഉദ്ധവ് താക്കറെയെന്ന് നവ്നീത് കൗണ്‍ റാണ എംപി.
ഉദ്ധവ് താക്കറെയുടെ വീടിന് മുന്നില്‍ ഹനുമാന്‍ കീര്‍ത്തനം ചൊല്ലുമെന്ന് വെല്ലുവിളിച്ചതിനെ തുടര്‍ന്ന് നവ്നീത് കൗര്‍ റാണയെയും ഭര്‍ത്താവും എംഎല്‍എയുമായ രവി റാണയെയും രാജ്യദ്രോഹക്കുറ്റം ചുമത്തി ജയിലിലടക്കുകകായിരുന്നു ഉദ്ധവ് താക്കറെ. 12 ദിവസത്തെ ജയില്‍ വാസത്തിന് ശേഷം മോചിതരായ ഇരുവരും ദല്‍ഹിയില്‍ ഒരു ഹനുമാന്‍ ക്ഷേത്രത്തില്‍ ഹനുമാന്‍ കീര്‍ത്തനം കഴിഞ്ഞ ദിവസം ചൊല്ലി. മുഖ്യമന്ത്രി സ്ഥാനത്തുനിന്നും ഉദ്ധവ് താക്കറെയെ സ്ഥാനഭ്രഷ്ടനാക്കാനാണ് താന്‍ ഹനുമാന്‍ കീര്‍ത്തനം ചൊല്ലിയതെന്നായിരുന്നു നവ്നീത് റാണയുടെ വിശദീകരണം.
ദല്‍ഹിയിലെ ഹനുമാന്‍ ക്ഷേത്രത്തില്‍ ഹനുമാന്‍ ചാലിസ ചൊല്ലുന്ന നവ്നീത് കൗറിന്റെ വീഡിയോ കാണാം:
“ഉദ്ധവ് താക്കറെയെന്ന അപകടത്തില്‍ നിന്നും മഹാരാഷ്ട്രയ്ക്ക് മോചനം കിട്ടാനാണ് ഹനുമാന്‍ ക്ഷേത്രത്തില്‍ ഹനുമാന്‍ കീര്‍ത്തനം ചൊല്ലിയത്. “- നവ്നീത് കൗര്‍ റാണ പറഞ്ഞു.
ബാല്‍ താക്കറെയുടെ മഹത്തായ പാരമ്പര്യം ഉദ്ധവ് താക്കറെ മറന്നു. ബാലസാഹബ് യഥാര്‍ത്ഥ ഹിന്ദുത്വത്തിന്റെ വെളിച്ചമേന്തിയ നേതാവായിരുന്നു. ഉദ്ധവ് താക്കറെയും കൂട്ടരും വെറും ഡ്യൂപ്ലിക്കേറ്റാണെന്നും നവ്നീത് കൗര്‍ റാണ പറഞ്ഞു. ശിവസനേയുടെ തനിസ്വഭാവം പുറത്തുകാട്ടാനുള്ള സമയം വന്നു കഴിഞ്ഞെന്നും നവ്നീത് കൗര്‍ റാണ പറഞ്ഞു.
പ്രതികരിക്കാൻ ഇവിടെ എഴുതുക: