ചോങ്ക്വിങ്ങ്‌: വിമാനത്താവളത്തിലെ റണ്‍വേയില്‍ നിന്ന് തെന്നിമാറിയ ടിബറ്റ് എയര്‍ലൈന്‍സിന്റെ വിമാനത്തിന് തീപിടിച്ചു.വിമാനത്തില്‍ 113 യാത്രക്കാരും ഒന്‍പത് ജീവനക്കാരുമുണ്ടായിരുന്നു. ചൈനയിലെ ചോങ്ക്വിങ്ങില്‍ നിന്ന് ടിബറ്റിലെ നൈഗ്ചിയിലേക്ക് പോകുന്നതിനായി റണ്‍വേയില്‍ ഓടിത്തുടങ്ങിയ വിമാനം റണ്‍വേയില്‍ നിന്ന് തെന്നിമാറി തീപിടിക്കുകയായിരുന്നു.
Â
രക്ഷാപ്രവര്‍ത്തകര്‍ ഉടന്‍ എത്തി തീ അണച്ചു.ജീവനക്കാരെയും യാത്രക്കാരെയും സുരക്ഷിതമായി പുറത്തിറക്കി. വിമാനത്തിന്റെ ചിറകിന് തീപടരുന്നത് കണ്ട് യാത്രക്കാര്‍ ഭയന്ന് ഓടി. ഇതിന്റെ ദൃശ്യങ്ങള്‍ പുറത്ത് വന്നിട്ടുണ്ട്.
Â
വിമാനം ഓടിത്തുടങ്ങികഴിഞ്ഞാണ് തകരാര്‍ കണ്ടെത്തിയത്.എന്നാല്‍ തീപിടുത്തത്തിന്റെ കാരണം വ്യക്തമല്ല.വിമാനം പൂര്‍ണ്ണമായി കത്തി നശിച്ചു.ചിലര്‍ക്ക് മാത്രം പരിക്ക് പറ്റിയെന്നും ,ബാക്കി ഉളളവര്‍ എല്ലാംതന്നെ സുരക്ഷിതരാണെന്നും എയര്‍ലൈന്‍സ് അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: