കൊല്‍ക്കത്ത: ഐ ലീഗില്‍ ചരിത്രം രചിച്ച് ഗോകുലം കേരള. ഇന്നലെ റൗണ്ട്ഗ്ലാസ് പോരാട്ടത്തില്‍ പഞ്ചാബ് എഫ്‌സിയെ പരാജയപ്പെടുത്തിയതോടെ ലീഗില്‍ കൂടുതല്‍ ജയം സ്വന്തമാക്കുന്ന ടീമെന്ന റിക്കാര്‍ഡ് ഗോകുലം സ്വന്തമാക്കി. തുടര്‍ച്ചയായ 18 ജയമാണ് ടീമിന്റേത്. ചര്‍ച്ചില്‍ ബ്രദേഴ്സിന്റെ പേരിലുള്ള റിക്കാര്‍ഡാണ് പഴങ്കഥയായത്.
ഇന്നലെ എതിരില്ലാത്ത രണ്ട് ഗോളിനായിരുന്നു ഗോകുലത്തിന്റെ ജയം. 16-ാം മിനിറ്റില്‍ ആദ്യ ഗോള്‍ നേടി. ജിതിന്‍ നല്കിയ പാസില്‍ നിന്ന് ഫ്ളെച്ചര്‍ ലക്ഷ്യം കണ്ടു. സമനില ഗോളിനുള്ള പഞ്ചാബിന്റെ ശ്രമങ്ങളെല്ലാം പരാജയപ്പെട്ടു. 83-ാം മിനിറ്റില്‍ രണ്ടാം ഗോള്‍ പിറന്നു. റിഷാദിന്റെ പാസില്‍ നിന്ന് ശ്രീകാന്താണ് ഗോള്‍ നേടിയത്. 13 മത്സരത്തില്‍ നിന്ന് 33 പോയിന്റുള്ള ഗോകുലം പട്ടികയില്‍ ഒന്നാം സ്ഥാനത്ത് തുടരുന്നു. 30ന് ചര്‍ച്ചില്‍ ബ്രദേഴ്സിനെതിരേയാണ് അടുത്ത മത്സരം.
പ്രതികരിക്കാൻ ഇവിടെ എഴുതുക: