പ്രമുഖ മിമിക്രി താരവും, നടനുമായ മധു പുന്നപ്ര സംവിധാനം ചെയ്യുന്ന ‘അലോഹ’ എന്ന ചിത്രത്തിന്റെ ടൈറ്റില്‍ ലോഞ്ചിങ്ങും, പൂജയും ആലപ്പുഴ റമദ ഹോട്ടലില്‍ നടന്നു. അലോഹ പ്രൈവറ്റ് ലിമിറ്റഡ് ആണ് ചിത്രം നിര്‍മ്മിക്കുന്നത്. ആലപ്പുഴ എം.പി എ എം ആരിഫ് ഭദ്രദീപം കൊളുത്തുകയും, ചലച്ചിത്ര താരം വിഷ്ണുവിനയ് ടൈറ്റില്‍ പ്രകാശനം നടത്തുകയും ചെയ്തു.
എംഎല്‍എ ദലീമ ജോജോ, രാജീവ് ആലുങ്കല്‍, ചേര്‍ത്തല ജയന്‍, പ്രമോദ്, കോട്ടയം പുരുഷന്‍, ഹരീശ്രീ യൂസഫ്, ആദിനാട് ശശി തുടങ്ങിയ നിരവധി പേര്‍ ചടങ്ങില്‍ പങ്കെടുത്തു. ജോബ് ജോസഫ് തിരക്കഥയൊരുക്കുന്ന ചിത്രത്തിന്റെ ക്യാമറ മാര്‍ട്ടിന്‍ മിസ്റ്റ് നിര്‍വ്വഹിക്കുന്നു.
മലയാളത്തിലെ പ്രമുഖ താരങ്ങളോടൊപ്പം പുതുമുഖങ്ങള്‍ക്കും പ്രാധാന്യം കൊടുത്താണ് ചിത്രം അണിയിച്ചൊരുക്കുന്നത്. വ്യത്യസ്തമായ കഥയും അവതരണവും കാഴ്ചവെക്കുന്ന ചിത്രമായിരിക്കും അലോഹ. സെപ്റ്റംബര്‍ മാസം തൊടുപുഴയില്‍ അലോഹയുടെ ചിത്രീകരണം തുടങ്ങും. പിആര്‍ഒ- അയ്മനം സാജന്‍
പ്രതികരിക്കാൻ ഇവിടെ എഴുതുക: