അബുദാബി: ഗയാദില്‍ മരുമകളുടെ അടിയേറ്റ് അമ്മായിഅമ്മ മരിച്ചു. ആലുവ കുറ്റിക്കാട്ടുക്കര ഉദ്യോഗമണ്ഡല്‍ എടമുള സ്വദേശിനി റൂബി മുഹമ്മദാണ് മരിച്ചത്. കുടുംബവഴക്കിനെത്തുടര്‍ന്നാണ് മരുമകള്‍ അമ്മായിഅമ്മയെ മര്‍ദ്ദിച്ചത്. സംഭവത്തില്‍ മകന്‍ സഞ്ചു മുഹമ്മദിന്റെ ഭാര്യ ഷജനയെ പോലീസ് അറസ്റ്റ് ചെയ്തു.
കോട്ടയം പൊന്‍കുന്നം സ്വദേശിനിയാണ് ഷജന. കഴിഞ്ഞ ജനുവരിയിലാണ് സഞ്ചുവും, ഷജനയും ഓണ്‍ലൈന്‍വഴി വിവാഹതരായത് .ഫെബ്രുവരി 15ന് അമ്മയെയും ഷജനയെയും സഞ്ചു അബുദാബിയില്‍ കൊണ്ടുവന്നു. തിങ്കളാഴ്‌ച്ച ഉച്ച കഴിഞ്ഞാണ് സംഭവം നടന്നത്. അമ്മായിഅമ്മയും, ഷജനയും തമ്മില്‍ വഴക്കുണ്ടായിരുന്നു.ഇതില്‍ പ്രകോപിതയായി ഷജന ഇവരെ ചവിട്ടുകയും തല ഭിത്തിയില്‍ ഇടിപ്പിക്കുകയും ചെയ്തു. ഇടിയുടെ ആഘാതത്തില്‍ ഉടന്‍ മരണം സംഭവിച്ചു.
മൃതദേഹം ബദാസായിദ് ആശുപത്രിയിലേക്കു മാറ്റി. സഞ്ചുവിന്റെയും ഷജനയുടെയും രണ്ടാം വിവാഹമാണ്.ഗയാതിയിലെ ഒരു എക്‌സ്‌ചേഞ്ചിലാണ് സഞ്ചു ജോലി ചെയ്യുന്നത്. കബറടക്കം തുടര്‍ നടപടികള്‍ക്ക് ശേഷം ഏലൂര്‍ കുറ്റിക്കാട്ടുകര ജുമാമസ്ജിദില്‍ നടക്കും. ഭര്‍ത്താവ് പരേതനായ മുഹമ്മദാലി, മകള്‍ സ്‌മേര.
പ്രതികരിക്കാൻ ഇവിടെ എഴുതുക: