ചണ്ഡിഗഡ്: പഞ്ചാബില്‍ ആം ആദ്മി പാര്‍ട്ടിയുടെ വലിയ മുന്നേറ്റം. കോണ്‍ഗ്രസ് തകര്‍ന്നടിഞ്ഞപ്പോള്‍ ആകെയുള്ള 117 സീറ്റില്‍ 94 സീറ്റുകളില്‍ ആപ്പ് ലീഡ് ചെയ്യുകയാണ്. കോണ്‍ഗ്രസിന്റെ പ്രമുഖരെല്ലാം പിന്നിലാണ്. ശിരോമണി അകാലിദളിലും കനത്ത തിരിച്ചടിയാണ് നേരിടേണ്ടി വന്നത്. പഞ്ചാബില്‍ കേവല ഭൂരിപക്ഷത്തിന് 59 സീറ്റുകളാണ് വേണ്ടത്. കോണ്‍ഗ്രസിന്റെ മുഖ്യമന്ത്രി സ്ഥാനാര്‍ഥി ചരണ്‍ജിത് സിങ് ഛന്നി മത്സരിച്ച രണ്ടു മണ്ഡലങ്ങളിലും പിന്നിലാണ്. കോണ്‍ഗ്രസുമായി പിണങ്ങി ബിജെപി പാളയത്തില്‍ ചേക്കേറിയ അമരീന്ദര്‍ സിങ് പട്യാലയില്‍ മൂന്നാം സ്ഥാനത്തേക്ക് പിന്തള്ളപ്പെട്ടു. അമൃത്സര്‍ ഈസ്റ്റില്‍ പിന്നിലായിരുന്ന കോണ്‍ഗ്രസ് നേതാവ് നവ്ജ്യോത് സിങ് സിദ്ധുവും മൂന്നാം സ്ഥാനത്താണ്.
ഡല്‍ഹിക്കു പുറത്ത് ആദ്യമായി ഒരു സംസ്ഥാനത്ത് ആംആദ്മി പാര്‍ട്ടി അധികാരം പിടിക്കുമെന്ന് ഉറപ്പിച്ചിരിക്കുകാണ്.
പ്രതികരിക്കാൻ ഇവിടെ എഴുതുക: