ലളിതമാം ഭാഷയില്‍ മലയാള സിനിമയില്‍
ലാളിത്യമാര്‍ന്നുള്ള വേഷമാടി
ലാസ്യ വേഷങ്ങള്‍ നിരവധി
ചെയ്തതും
എന്നും നമുക്കിനി ഓര്‍മ മാത്രം
ഭരതന്റെ ജീവിത സഖിയായി നീ തീര്‍ന്നു
ഭാവിതന്‍ പൂക്കാലമോ മനിച്ചും
അമ്മ വേഷങ്ങളില്‍ വേറിട്ട ഛായയില്‍
നീയാണ് നല്ലൊരു മാര്‍ഗദര്‍ശി
ഇടവേളയിട്ടു നീ രംഗത്തുവന്നതും
സിനിമ തന്‍ ഭാഗ്യമായ് കണ്ടിടേണം
പുത്തനാം നടിമാര്‍ക്ക് നല്ലൊരധ്യാപിക
ലളിതയെ കരുതുന്നു പെണ്‍കൊടിമാര്‍
ഓരോരോ വേഷവും നാഴികക്കല്ലായി തീര്‍ന്നതും
ലളിതക്കു നല്ല കാലം
സ്വയംവരം കാട്ടുകുതിരയും കേളിയും
ഒടിയനും ആരവം സന്ദേശമായ്
മര്‍മ്മരം തലയിണമന്ത്രവും സദയവും
മാളൂട്ടി കൊടിയേറ്റമോര്‍മ്മക്കായി
തേന്‍മാവിന്‍ കൊമ്പത്തെ ആദ്യത്തെ കണ്‍മണി
ചുരവും പവിത്രവും വെങ്കലവും
ഇനിവരും ജന്മത്തില്‍ അമ്മയായ് വന്നിടും
അഭ്രകാവ്യങ്ങളെ ധന്യമാക്കാന്‍
നമിച്ചിടാം നിന്‍ കാല്‍ക്കല്‍ അമ്മേ മഹേശ്വരീ
ഗുരുവായൂരപ്പന്റെ ഭക്തി ഭദ്രേ
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: