രണ്ടുദിവസമായി കുടിവെള്ളം കിട്ടാതെ വലഞ്ഞ പെരുവല്ലൂരിൽ വെള്ളം എത്തിച്ച് നൽകി സുരേഷിന്റെ നന്മ

കാഞ്ഞാണി: മുല്ലശ്ശേരിയിൽ പെരുവല്ലൂർ അംബേദ്കർ ഗ്രാമത്തിൽ രണ്ടുദിവസമായി കുടിവെള്ളം കിട്ടാതെ വലഞ്ഞ നാട്ടുകാർക്ക് കുടിവെളളം എത്തിച്ചു നൽകി സുരേഷ് ഇത്തിപറമ്പിൽ മാതൃകയായി. നാട്ടുകാർക്ക് ആവശ്യത്തിന് കുടിവെള്ളം സൗജന്യമായിട്ടാണ് നൽകിയത്. 

പ്രദേശവാസിയായ ഗംഗാധരൻ മാഷ്, സനുഷ, സുജിത്ത് എന്നിവർ നേതൃത്വം നൽകി. സന്നദ്ധ പ്രവർത്തകനായ സുരേഷ് ആദ്യകാലങ്ങളിലും ഇത്തരം പ്രവർത്തനങ്ങൾ നടത്തിയിട്ടുണ്ട്. പാവറട്ടി, എളവള്ളി, വെന്മേനാട്, ചാവക്കാട് എന്നിവിടങ്ങളിൽ ആരെങ്കിലും കുടിവെള്ളത്തിനായി വിഷമിക്കുന്നു അറിഞ്ഞാൽ ഉടൻ സുരേഷ് വെള്ളം എത്തിച്ച് കൊടുക്കുന്നുണ്ട്.  ലോക്ക് ഡൗൺ സമയത്തും കുടിവെള്ളം എത്തിച്ച് കൊടുത്തിരുന്നു സുരേഷ് ഇത്തിപ്പറമ്പിൽ.