എരുത്തേമ്പതി: ഉറങ്ങിക്കിടന്ന ഭര്‍ത്താവിനെ മണ്ണെണ്ണയോഴിച്ച് തീകൊളുത്തി ഭാര്യ.ആര്‍വിപി പൂതൂര്‍ ഓള്‍ഡ് കോളനിയില്‍ സുബ്രമണ്യനാണ് പൊളളലേറ്റ് ഗുരുതരമായി പരിക്ക് പറ്റിയത്.സംഭവത്തില്‍ ഇയാളുടെ ഭാര്യ ശശികലയെ അറസ്റ്റ് ചെയ്തു.
സ്ഥിരം മദ്യപാനിയും പരസ്ത്രീ ബന്ധവും ഉണ്ടായിരുന്നു സുബ്രമണ്യന്‍.ഇതേ ചൊല്ലി വീട്ടില്‍ വഴക്ക് പതിവായിരുന്നു ശശികലയെയും മക്കളേയും സുബ്രമണ്യന്‍ മര്‍ദ്ദിക്കുകയും ചെയ്തിരുന്നു.സംഭവദിവസം വരാന്തയില്‍ ഉറങ്ങിക്കിടന്ന സുബ്രമണ്യന്റെ ദേഹത്ത് തീപടര്‍ന്നു.
നിലവിളച്ച ഇയാളെ ഭാര്യയും അയല്‍ക്കാരും ചേര്‍ന്ന് തീ ആണച്ച് ആദ്യം പാലക്കാട്ടും പിന്നീട് തൃശ്ശൂര്‍ മെഡിക്കല്‍ കോളേജിലും എത്തിച്ചു,പിന്നീട് എറണാകുളം ജില്ല ആശുപത്രിയിലേക്ക് മാറ്റി. 60 ശതമാനത്തോളം പൊളളലേറ്റിരുന്നു.തന്റെ ദേഹത്ത് ആരോ മനപ്പൂര്‍വ്വം തീ കൊളുത്തിയതാണെന്ന് സുബ്രമണ്യന്‍ പോലീസിനോട് പറഞ്ഞു. തുടര്‍ന്ന് നടന്ന അന്വേഷണത്തിലാണ് ശശികല കുറ്റം സമ്മതിച്ചത്.ശരീരിക മാനസിക പീഡനങ്ങള്‍ സഹിക്കാന്‍ പറ്റാത്തത് കൊണ്ട് ചെയത് പോയതാണെന്ന് ശശികല പോലീസിനോട് പറഞ്ഞു.
പ്രതികരിക്കാൻ ഇവിടെ എഴുതുക: